Një nga figurat më të spikatura dhe me përvojë në politikën shqiptare, Pandeli Majko, ka zyrtarizuar kandidimin e tij për një tjetër mandat në Kuvendin e Shqipërisë. Deputeti socialist, ish-kryeministër dhe një prej emrave më të njohur të Partisë Socialiste, ka njoftuar përmes një statusi publik se ka firmosur dokumentet për të qenë pjesë e garës elektorale të 11 majit.
"Firmosa dokumentet e kandidimit për deputet, që të vazhdoj në krah të familjes sime, Partisë Socialiste të Shqipërisë, atë që kemi nisur, edhe pas zgjedhjeve të 11 majit", shkruan Majko.
Në mesazhin e tij, Majko përcjell një reflektim të thellë mbi angazhimin politik dhe përkushtimin ndaj shërbimit publik:
"Jam i bindur se një burrë nuk lind për të drejtuar, por i përgjigjet thirrjes dhe bën detyrën", thekson ai, duke nënvizuar se politika nuk është ambicie personale, por përgjegjësi ndaj shoqërisë.
Në një koment që ngjall interes dhe lexohet si një metaforë politike, Majko shton: "Bufi ushqehet me minj", duke lënë të kuptohet se në politikë shpeshherë sfidat dhe pengesat kërkojnë vëmendje, maturi dhe zgjuarsi.
Me sytë nga e ardhmja, ai i bën thirrje qytetarëve që të mbështesin ekipin e PS-së në listat e hapura:
"Votoni shokët dhe shoqet e mia në Listën e Hapur! Unë jam vetëm një prej tyre!"
Majko bën të ditur se fokusi i tij organizativ në këtë fushatë do të jetë në zonat e Kavajës dhe Rrogozhinës, por shton se është i gatshëm të kontribuojë kudo që është e nevojshme për të forcuar kauzën europiane të vendit.
"Votoni Partinë Socialiste! Do t’ia dalim, bashkë! Shqipëria e fëmijëve tanë është e para!", mbyll mesazhin e tij Pandeli Majko, duke rikonfirmuar angazhimin e tij të palëkundur për të ardhmen e vendit.
Zgjedhjet e 11 majit priten të jenë vendimtare për drejtimin politik të Shqipërisë në vitet që vijnë, ndërsa rikandidimi i figurave si Pandeli Majko sjell në vëmendje vlerën e përvojës dhe qëndrueshmërisë në jetën parlamentare të vendit.
Komente
Lajme të tjera
-
Katërnjakët marrin kartën e anëtarësisë së PS, Rama batuta: Erdhët me kap pasaportën e BE
22 Mars, 00:03 -
Berisha e quajti diktator, Rama e ironizon me pamjet e bufit që nuk rri dot në këmbë dhe bie nga dega
21 Mars, 22:51 -
Kujtim Gjuzi: Berisha vuri 44 emra të 'Sorosit' në listat e kandidatëve për zgjedhjet e 11 majit
21 Mars, 21:15 -
Del parashikimi i Belo Këlliçit, vjen nga Uashingtoni lajmi i ‘mirë’ që prisnim për Berishën në mes të marsit
21 Mars, 20:21
-
'Mesazhi i zgjedhjeve s'duhet të jetë i paqartë! PS sot një parti e re, për Shqipërinë në BE' Fjala e plotë e kryeministrit Edi Rama në prezantimin e kandidatëve
21 Mars, 20:15 -
Basha nga Kamza: Raporti i DASH konfirmon se korrupsioni pengon zhvillimin e Shqipërisë, më 11 maj nuk duam riciklim, por ndryshim të vërtetë
21 Mars, 20:13 -
Rama 'sy m'sy' me komentuesit: Shqipëria sot si dita me natën nga koha kur qeverisej nga Berisha! Shifrat që duhet të dini
21 Mars, 20:02 -
DASH publikon raportin e ri për trafikun ndërkombëtar të narkotikëve: Grupet shqiptare luajnë rol të rëndësishëm në furnizimin e tregjeve ndërkombëtare
21 Mars, 19:52 -
‘Lista jonë për në BE, lista e bufit është për opozitë’/ Rama: Lista e tyre është që kur të humbi bufi mos t’i kërkojë njëri llogari
21 Mars, 19:19 -
‘Më 12 maj ne do të numërojmë 1 milion vota’/ Rama: Ne e kemi humbur dikur trenin e historisë, në 11 Maj kalon treni i negociatave
21 Mars, 18:50 -
'Shoh dëshirën e 27 vendeve të BE-së që e duan Shqipërinë'/ Rama: Ata na kanë thënë e ardhmja juaj është këtu
21 Mars, 18:36 -
Raporti i ri i DASH fundos Sali Berishën: Inkriminimi i ish-kryeministrit, sukses i SPAK! I pandehur për ‘Partizanin’, pasuroi familjen! Stafi i Trump nuk harron as shpalljen ‘non grata’
21 Mars, 18:18
