Vjosa, Park Kombëtar, zhvillohet dëgjesë publike në Gjirokastër! Koordinatorja: Qeveria vendos në shkurt 2023

GJIROKASTËR- Dëgjesa publike mbi shpalljen e Vjosës “Park kombetar” u prit me interes në Gjirokastër, ku specialistët folën për kufinjtë e parkut, shtratin e lumit dhe burimet. Drafti final për statusin e parkut dorëzohet në dhjetor dhe brenda Shkurtit të vitit 2023, qeveria pritet ta shpallë Vjosën park kombëtar.

“Jemi në fazën e parë të procesit për shpalljen e Vjosës bashkë me tre degë të saj Drinon Bëncën dhe Shushicën, Park Kombëtar. Në fazën e dytë synohet shpallja e plotë e Vjosës Park Kombëtar, duke përfshirë dhe degët e tjera të saj me derdhje të lirë. Pra është një proces pune ndërtuar me faza. Faza e parë përfundon në dhjetor dhe synohet që pas konsultmit publik, në muajin shkurt pritet mbledhja e Qeverisë që miraton fazën e parë të parkut. Ndërsa deri në fund të vitit 2023 shpresojmë që Vjosa të shpallet plotësisht Park Kombëtar”, u shpreh Adelina Greca, Drejtoreshë e Agjencisë së Planifikimit të Territorit si dhe koordinatore e projektit.

Prej dy muajsh një ekip me 30 ekspertë vendas e të huaj po punojnë për përgatitjen e dosjes teknike për shpalljen e lumit Vjosa Park Kombëtar. Parashikohet që deri në fund të këtij viti të përfundohet puna e dokumentimit të hartës paraprake të parkut për të vijuar me procesin e shpalljes së Parkut Kombëtar të Lumit të Egër Vjosa.

B.K./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Bandat survejojnë Policinë, a është ky triumf i krimit ndaj shtetit?



×

Lajmi i fundit

Belind Këlliçi s’ka diplomë të shkollës së mesme dhe e pranon vetë: Nga 5 vite kam bërë vetëm 4 vite gjimnaz

Belind Këlliçi s’ka diplomë të shkollës së mesme dhe e pranon vetë: Nga 5 vite kam bërë vetëm 4 vite gjimnaz