POP 5

Lajmet më të lexuara të 5 minutave të fundit

Politikë

Vlera e shtëpisë në Surrel 400 milionë lekë, PD nxjerr dokumentet: Rama të justifikojë pasurinë, të mos fshihet pas fustanit të gruas

Partia Demokratike vijon me akuzat e saj karshi kryeministrit Edi Rama, se ky i fundit nuk ka justifikuar paratë e deklaruara për shtëpinë në Surrel.

Vlera e shtëpisë në Surrel 400 milionë lekë, PD nxjerr dokumentet: Rama të justifikojë pasurinë, të mos fshihet pas fustanit të gruas

Orjola Pampuri, Deputete e Partisë Demokratike

Deputetja e Partisë Demokratike, Orjola Pampuri akuzoi këtë të mërkurë kryeministrin Edi Rama për mosjustifikim pasurie.

Në një deklaratë për mediat, Pampuri publikoi disa dokumente zyrtare përmes së cilave pretendon se provohen se të ardhurat e deklaruara të kreut të ekzekutivit dhe bashkëshortes së tij nuk kalojnë vlerën e 100 milionë lekëve dhe nuk justifikojnë dot vlerën 400 milionë lekë të shtëpisë në Surrel.

Në vitin 2011, përpara nisjes së ndërtimit të shtëpisë, Edi dhe Linda Rama kanë deklaruar se, të dy bashkë, zotërojnë rreth 80 milionë lekë.  Në vitin 2012, Edi Rama ndërton shtëpinë e tij në Surrel dhe kur mori detyrën e kryeministrit një vit më vonë deklaroi se ka shpenzuar plot 400 milionë lekë për ndërtimin e saj, pra plot 5 herë më shumë sesa kursimet që kishte gjendje çifti Rama.

 Sipas deklaratës së pasurisë që vetë kanë dorëzuar në 2013-ën rezulton se, pasi kanë deklaruar shtëpinë 400 milionë lekë, pra, pasi kanë shpenzuar kursimet e jetës, 80 milionë lekë, Edi dhe Linda Rama jo vetëm nuk kanë deklaruar borxh por pasuria e tyre është shtuar, duke deklaruar se kanë gjendje plot 92 milionë lekë.

 Dokumentat zyrtarë faktojnë se të ardhurat e Edi Ramës më 2013-ën nuk e justifikojnë dot vlerën 400 milionë lekë të shtepisë superluksoze në Surrel.  

Orjola Pampuri, Deputete e Partisë Demokratike

Në fund, Pampuri shtroi pyetjen se ku mund t’i ketë gjetur Rama 400 milionë lekë për ndërtimin e shtëpisë në Surrel. "Ka ardhur koha që Edi Rama i oxhakut 18 mijë euro të pergjigjet dhe të mos fshihet më pas fustanit të gruas", u shpreh ajo. 

Dokumentet e publikuara nga PD, ku pretendohet se vërtetohet se kryeministri Edi Rama nuk ka justifikuar pasurinë e tij 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46