Vlorë, arrestohet
ish-drejtori i Hipotekës

Policia e Vlorës ka vënë sërish në pranga ish-kreun e Hipotekës së këtij qyteti. Sipas informacioneve nga uniformat blu të qytetit të Vlorës, Edmond Banushaj, ish- drejtori i Hipotekës ka ndërhyrë në hartë, duke tjetërsuar në këtë mënyrë pronat. 42-vjecari u arrestua pas hetimeve të nisura para 4 vitesh.

Ish-drejtori i Hipotekës akuzohet për ndryshim të hartës dhe tjetërsim të pronësisë së tokës në mënyrë të paligjshme, në favor të vjehrrit të tij.

Banushaj ka disa kallëzime penale për tjetërsim, ndërkohë që 1 vit më parë, në tetor të 2009 ai është arrestuar për të njëjtën vepër penale.