Vlorë, asgjësohen në 6 parcela
1220 rrënjë kanabis sativa

Policia e Vlorës ka gjetur dhe asgjësuar përmes djegies 1220 rrënjë bimë narkotike kanabis sativa të cilat ishin kultivuar në 6 parcela të ndryshme.

Sipas të dhënave të policisë së qytetit bregdetar, bëhet e ditur se bimët narkotike janë kultivuar në fshatrat Tragjas dhe Karbunarë të Vlorës.

Bimët narkotike ishin të mbjella përreth këtyre dy fshatrave, të ndara në 6 parcela të hapura posaçërisht për kultivimin e tyre, me lartësi nga 15 cm deri në 40 cm, të cilat u asgjësuan me djegie.

Punohet për identifikimin dhe kapjen e kultivuesve.

Redaksia Online
(F.T/shqiptarja.com)