POP 5

Lajmet më të lexuara të 5 minutave të fundit

Arkiva

Vlorë, bllokohen në port
60 kg lëndë narkotike

Policia e Vlorës bllokoi dhe sekuestroi sot në mesditë një sasi prej 60 kg lëndë narkotike të llojit kanabis sattiva, ndërkohë që arrestoi drejtuesin dhe njëkohësisht pronarin e kamionit ku ishte fshehur droga.
VLORË - Policia e Vlorës bllokoi dhe sekuestroi sot në mesditë një sasi prej 60 kg lëndë narkotike të llojit kanabis sattiva, ndërkohë që arrestoi drejtuesin dhe njëkohësisht pronarin e kamionit ku ishte fshehur droga, si dhe shoqëroi bashkëshorten e tij.

Burime zyrtare të policisë lokale bënë të ditur se, "lënda narkotike që kishte si destinacion Italinë u kap në port dhe ishte fshehur në një kamion, që ishte drejtuar për në Itali me një nga tragetet e linjës detare Vlorë-Brindisi, që drejtohej nga 30 vjeçari nga Vlora Altin Deromema, i cili u arrestua në kushtet e flagrancës".

"Lënda narkotike e llojit kanabis sattiva ishte paketuar dhe vendosur në pjesën e sipërme të një kamioni tip "Iveco" me targa AA 312 AD, që u kontrollua në momentin kur do të kalonte traun e doganës", bënë të ditur burimet e policisë.
Sipas tyre, drejtuesi i kamionit Altin Deromema, që shoqërohej nga bashkëshortja e tij, ishte përpjekur t’u shmangej uniformave blu, ndërkohë që efektivat e antidrogës dhe të policisë kufitare të portit kanë ushtruar një kontroll të imtë, duke e zbuluar lëndën narkotike në pjesën e sipërme të kamionit.

Policia shoqëroi edhe bashkëshorten e Deromemës, ndërsa po heton për të zbardhur plotësisht këtë ngjarje.

Mësohet se i arrestuari po merret në pyetje, ndërkohë që nuk bëhen të ditura detaje të tjera rreth aksionit të policisë, e cila kishte siguruar informacione paraprake në rrugë operative.

Kjo ngjarje pason atë të pak javëve më parë, kur policia e portit bllokoi një sasi të konsiderueshme lënde narkotike të llojit kanabis sativa, e cila do të trafikohej për në Itali me autobusin e një shoqërie transporti udhëtarësh.

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, nën hetim 7 protestues! Policia: Vendosën një automjet në mes të rrugës

11 Janar, 13:37