VLORË – Policia e qytetit bregdetar të Vlorës ka arrestuar në flagrancë një 35-vjeçar për shpërndaje të lëndëve narkotike.

Mësohet se 35-vjeçari i arrestuar është Olsi Rakipi, të cilit i janë gjetur me vete 30 doza heroinë dhe 70 doza marijuanë.

Sipas njoftimit të policisë ai është vënë në pranga në përfundim të operacionit të koduar “Tuneli”. Po sipas policisë, zona e preferuar e 35-vjeçarit për shpërndarjen e lëndëve narkotike ka qenë lagjja “Kushtrimi”.

Policia ndërkohë ka nisur edhe hetimet, për të zbuluar se ku e merrte drogën 35-vjeçari Rakipi.

Redaksia Online
(a.h/shqiptarja.com)