Vlorë/ Sërish zjarr pranë fushës së mbetjeve urbane, tymi kancerogjen mbulon gjithë qytetin! Policia shoqëron 4 persona (VIDEO)

VLORË- Zona pranë fushës së mbetjeve në Vlorë është përfshirë nga flakët. Report Tv mëson u dogjën për rreth 90 minuta mbetje plastike dhe goma, teksa shtëllungat e tymit kancerogjen janë përhapur në të gjithë qytetin.

Në video shihet se si tymi ka pushtuar një sipërfaqe të madhe, teksa kjo nuk është hera e parë që bie zjarr në këtë zonë, duke mos përjashtuar faktin që mund të jetë një zjarr i qëllimshëm. Burime bëjnë me dije se u deshën 4 automjete zjarrfikëse në zonë që të shuheshin flaëkët.

Sipas autoriteteve, zjarri nisi rreth orëve të para të mëngjesit rreth orës 09:10, në lagjen ’24 maji’ ku u dogjën disa goma automjetesh. Edhe më parë mbeturinave në fushën e mbetjeve iu është vënë flaka nga persona që mbledhin mbetje plastike apo dhe hekurishte, që i djegin për të patur lehtësira në gjetjen e tyre.

Deri më tani nuk dihet autori zjarrvënies që po shkakton një dëm kolosal për qytetin e Vlorës, e teksa policia ka njoftuar se janë shoqëruar 4 persona. 

"Rreth orës 09:10, në lagjen “24 Maji”, ka rënë zjarr pranë hidrovorit dhe si pasojë e përhapjes së flakëve po digjen disa goma automjetesh.    Në vijim të veprimeve, shërbimet e Policisë kanë shoqëruar 4 persona, për t’i pyetur në lidhje me këtë ngjarje.   Grupi hetimor ndodhet në vendngjarje dhe po kryen veprimet për zbardhjen e plotë të rrethanave të ngjarjes", thuhet në njoftim. 

Një prej qytetarëve u shpreh se shkoi në zonë pasi mendoi mos ishte djegur ndonjë fabrikë.

“Mendova mos ishte ndonjë fabrikë, a kishte ndodhur ndonjë gjë që kishte marrë flakë. Se mendova që ishin goma. Po kemi parë edhe herë të tjera”, tha ai.

G.MO/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • emigranti: 20/12/2022 11:27

    Ktu fajin nuk e ka as Saliu as Edi, ktu fajin e kemi vetem ne si popull qe jemi si ata te bangladeshit. Me evropen jemi ja 100 vite mbrapa si mentalitet

    Përgjigju
  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Të gjitha teoritë e konspiracionit për sulmin ndaj Trump: Inskenim, Deep State, grusht shteti nga lëvizja Antifa

Të gjitha teoritë e konspiracionit për sulmin ndaj Trump: Inskenim, Deep State, grusht shteti nga lëvizja Antifa