Aksionet për shembjen e ndërtimeve pa leje në Himarë por dhe në Pyllin e Sodës u kryesuan nga kryebashkiakët, Gjergji Goro dhe Shpëtim Gjika.
Aksioni fillimisht nisi në Himarë, dhe më pas vazhdoi me Pyllin e Sodës, zona që admistrohen nga bashkia e qytetit. Nuk ka pasur rezistencë ndërkohë që kryerbashkiaku Shpëtim Gjika i cili udhëhiqte aksionin për prishjen e këtyre ndërtimeve theksoi së nuk do të tolerohet asnjë ndërtim pa lejë në zonat me interes kombëtar.
“Po ndërhyjmë në këto godina për të dhënë një mesazh të qartë që kushdo do të guxojë të ndërtojë apo të rindërtojë ato ku ne kemi ndërhyrë nuk ka shans të vazhdojë e të ketë perspektivë zhvillimi. Të jap një mesazh të qartë dhe për ndërtimet e paligjshme që u prishën pardje tek rajoni 2. U them banorëve të mos kenë asnjë inisiativë për të ndërtuar sepse bashkia e Vlorës është mëse e vendosur për këtë aksion.”- tha kryetari i bashkisë Shpëtim Gjika.
Lidhur me statusin e shfaqur ne rrjetin social në facebok të kreut Bashkisë se dy pallatet e Lulzim Bashës do jetë të parat që do i nënshtrohen procesit të shëmbjes,krybashkiaku Gjika ka theksuar së atë profil në facebook nuk e kontrollon vetë ai por persona të pautorizuar.
“Unë jam institucion, kryetar i bashkisë së Vlorës, nuk kam përdorur facebook për punët e mia zyrtare, facebook e përdor vetëm për jetën private” - sqaroi Gjika.
![shpetim gjika](http://www.shqiptarja.com/foto/84352.jpg)
(Foto: Shpetim Gjika, kryetari i bashkise duke folur per aksionin e ndertimeve pa leje)
Vlora është qyteti i parë që iu përgjigj pozitivisht kërkesës së kryeministrit në ardhje, Edi Rama, për prishjen e ndërtimeve pa leje në zonën bregdetare.
Ky aksion është në vazhdën e aksioneve që ka nisur që prej disa ditësh nga bashkia e qytetit bregdetar.
Në takimin e zhvilluar dy ditë më parë, me kryesocialistin Edi Rama, kryebashkiaku Shpëtim Gjika deklaroi se ata kanë evidentuar 130 objekte pa leje, të cilat nuk do të tolerohen, por do të prishen.
Ndërkohë që gazeta “Shqiptarja. com” ka sjellë pak ditë më parë dy raste flagrante të ndërtimeve pa leje përgjatë vijës bregdetare. I pari ishte ndërtimi që po ngrihej në ballkonin e Llogarasë, një nga pikat turistike më të bukura në vend, i cili aktualisht po prishet, dhe tjetri ishte në të hyrë të Dhërmiut, njëri ndër plazhet më të frekuentuara në vendin tonë.
Lajmi u perditesua
Redaksia online
(sg/shqiptarja.com)
![](https://www.shqiptarja.com/template/img/sh_logo1.png)