POP 5

Lajmet më të lexuara të 5 minutave të fundit

Kronikë

Vlorë, pallati u ndërtua me leje të
falsifikuar, do shembet me tritol

Pallati në zonën e "Tre racave" në Vlorë që është bërë pengesë për zbatimin e projekteve infrastrukturore do të shembet me shpërthim të komanduar. Pas kërkesës edhe nga kryeministri Rama, specialistët e IKMT kanë nisur me vendosjen e tritolit. Shpërthimi pritet të ndodh në javën e ardhshme. 
Vlorë, pallati u ndërtua me leje të<br />falsifikuar, do shembet me tritol
VLORË-Objekti trekatësh, i shumëdebatuar për shkak të vendndodhjes së tij në bulevardin kryesor Vlorë-Skelë do të shembet në javën e ardhshme me tritol.
 
IKMT dhe forca të shumta policore kanë rrethuar pallatin në zonën e "Tre racave", për të cilin edhe kryeministri Rama ka kërkuar që të shembet për shkak të vendndodhjes së tij në një zonë turistike duke e dëmtuar.
 
Punimet në këtë pallat janë ndërprerë pas një vendimi të Prokurorisë në vitin 2012, që e cilësonte të parregullt dhe të falsifikuar lejen e ndërtimit dhënë nga KRRT e Bashkisë Vlorë. 
 
Por shembja e kësaj godine shihet si problematike edhe për ekspertët e IKMT-së, për shkak të ndërtimit të godinës, e cila në pjesën më të madhe është e derdhur në beton si dhe për shkak të vendndodhjes.
  
Sot, teksa forcat e policisë dhe IKMT nisën punën për hapjen e vendeve ku do të vendoset tritoli dhe bënë rrethimin e objektit, pronarët kanë kërkuar informacion për vendimin e marrë, por pas sqarimit nga drejtuesit e punimeve janë larguar.

Në ndihmë të IKMT për të realizuar me sukses shembjen me shpërthim të komanduar kanë mbërritur edhe mjetet e ushtrisë.

Redaksia Online
Al.N/Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46