Vlorë/ Plazhi i Porto Novës në Zvërnec pa tabela orientuese, rrezik për pushuesit/VIDEO

Një nga plazhet më të bukura të qytetit të Vlorës, plazhi i Porto Novës që ndodhet në perëndim të qytetit vijon të jetë ende i virgjër. Bukurinë këtij plazhi ja prish rrezikshmëria që ai përcjell tek pushuesit ,pasi çdo vit në këtë zonë ka pasur njerëz të mbytur. Vitin e kaluar po tek ky plazh janë mbytur katër persona, tre persona janë mbytur në një ditë, si dhe një vajzë e vogël 11-vjeçe pas pak ditësh.

Bashkia e Vlorës për këtë vit mori masa sensibilizuese, duke bërë me dije pushuesit , se të notosh në këtë plazh është e rrezikshme për shkak të rrymave të brendshme të ujit. Por tabela që u vendos ka qëndruar pak ditë, pasi nuk dihet ku ka përfunduar nga personat që mbledhin skrap. Edhe pse në fillim të muajit Korrik nuk këtë plazh nuk shikon asnjë pushues, ndoshta për shkak të rrugës së amortizuar , apo dhe nga frika që paraqet kjo zonë.

Të vetmit pushues që gjetëm sot ishin një çift, të cilët e kishin për të parë herë që vinin në këtë plazh. Përkatësisht nga  Austria dhe Anglia,  ata u shprehen, se ky është plazhi më i bukur që ne kemi parë në të gjithë bregdetin shqiptar, pasi është i virgjër dhe jo i urbanizuar. Ndërkohë të pyetur se nëse deti këtu është i rrezikshëm, ata nuk kishin dijeni, por gjithsesi ata ngritën kampingun e tyre në këtë plazh dhe do të qëndrojnë tre ditë.

LEXO EDHE:
Sërish zjarr në grumbullimin e mbetjeve në Vlorë! Era favorizon përhapjen e flakëve

TAG:
• Vlore
• Plazhi i Porto Novës
• tabela orientuese

Sondazhi i ditës:

Çfare prisni nga sesioni i ri parlamentar?

• Dialog

  22.2%

• Debat

  48.5%

• Nuk e di

  29.3%

Vota total: 167

Votat totale janë unike

• Sondazhi i ditës:

  Çfare prisni nga sesioni i ri parlamentar?

  Dialog Debat Nuk e di