Një prej firmave të ndërtimit e cila po punon në qytet për vendosjen e linjave të reja të ujit të pijshëm ka lënë të gjithë lagjen “Pavarësia” në Vlorë pa energji elektrike.

Siç mësohet, gjatë punimeve kjo firmë ka dëmtuar linjën kryesore të transmetimit të energjisë elektrike për lagjen “Pavarësia” duke lënë me qindra banesa në terr të plotë prej tre orësh.

Në terren ndodhen dhe punonjës të OSHEE, të cilët po punojnë për riparimin e defektit dhe kthimin e energjisë në zonë.