Policia e Vlorës zbuloi dhe asgjësoi të enjten, gjatë një aksioni, 812 fidanë bime narkotike të llojit kanabis sativa, ndërkohë që po punon për kapjen e personave që kanë lidhje me të.
Burime zyrtare të policisë lokale bënë të ditur për ATSH-në se, bimët narkotike me lartësi 3-10 cm dhe të vendosura në kubikë, u zbuluan në fshatin Dhërmi, 60 km në jug të Vlorës, në vendin e quajtur Lamgadh, në një zonë të thellë e të pyllëzuar.
Dy ditë më parë, policia e Vlorës asgjësoi në këtë zonë, 400 fidanë bime narkotike kanabis sativa. /atsh/