POP 5

Lajmet më të lexuara të 5 minutave të fundit

Sociale

Vlorë, rruga merr emrin e Dëshmorit të Atdheut Elham Elezaj! Oficeri i RENEA-s ra në krye të detyrës në moshën 29 vjeçare

Në nder të efektivit të RENEA-s Elham Elezaj të rënë në krye të detyrës në vitin 1998, një rrugë në Vlorë mori emrin e Dëshmorit të Atdheut që u nda nga jeta në moshë fare të re, 29 vjeç.

Kjo rrugë, pranë stadiumit në Vlorë nga sot do të mbajë emrin e dëshmorit të atdheut, Elham Sulejman Elezaj.

Në ceremoni morën pjesë, përfaqësues të këshillit bashkiak të Vlorës, familjarë dhe ish-kolegët e Repartit RENEA.

I emocionuar, babai i Elham Elezaj tha se i biri dha jetën për Atdheun.

“Ne jemi familje që në të gjitha epokat kemi dhënë gjak për Atdheun. Kam 3 xhaxhallarë dëshmorë të luftës nacional-çlirimtare dhe djali im është dëshmori i 4 në familjen tonë. Kemi dhënë shumë për atdheun. E ndjej veten krenar që emri i djalit do mbetet këtu në Vlorë ta nderojnë vlonjatët bashkë me ne familjarët”, tha Suljeman Elezaj.

Emertimi i kësaj rruge, erdhi si propozim i këshilltarëve të djathtë dhe mori votat unanime në Këshillin Bashkiak të Vlorës.

“Ne sot jemi këtu bashkë me familjarët, ish-kolegët dhe qytetarë të Vlorë për të nderuar veprën e Elham Elezajt. Ju falenderoj të emër të këshilltarëve të djathtë që morët pjesë për të nderuar një emër të ndritur të Policisë së Shtetit”, Muzafer Elezi nenkryetar i këshillit bashkiak të Vlorë.

“Është një gjest i vogël por i vyer për komunitetin, për familjen. Qoftë i paharruar dhe e kujtohshim gjithmonë sa herë kalojmë në këtë rrugë, Dëshmorin Elham Sulejman Elezaj”, u shpreh Elpiniqi Mërkuri, kryetare e këshillit bashkiak të Vlorës.

Lindur dhe rritur në Vlorë, Elham Elezaj pati një karrierë të shkëlqyer në Policinë e Shtetit. Pas përfundimit të studimeve të larta në Tiranë, mori detyrën Komandant Grupi në repartin RENEA. Ai dha jetën në krye të detyrës më  9 korrik të vitit 1998 gjatë një aksioni për lirimin e pengjeve në një familje në Tiranë. Elham Elezaj u vra në moshën 29-vjeçare dhe 5 vite me pasi iu akorduar statusi “Dëshmor i

Atdheut”, dhe familjes së tij iu dha simboli “Familje e Dëshmorit të Atdheut”.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça