Vlorë, sherr me kaçavida mes të rinjëve, plagosen dy vëllezër

Vlorë, sherr me kaçavida mes të rinjëve, plagosen dy vëllezër

Foto ilustruese

Një tjetër konflikt për motive banale është regjistruar në qytetin e Vlorës, pranw shkollës Profesionale, ku tre të rinj kanë plagosur me mjete shpuese dy vëllezër.

Policia e Vlorës ka arrestuar në flagrancë Serxhjo Bedinaj, 23 vjeç, banues në Vlorë dhe do të procedohet penalisht në gjendje të lirë për shkak të moshës shtetasi i mitur B.B, si dhe u bë shpallja në kërkim e shtetasit, M.G., 24 vjeç, banues në Vlorë.

Të tre shtetasit e mësipërm, në lagjen “Pavarësia”, pranë shkollës së mesme profesionale, në bashkëpunim me njëri-tjetrin, gjatë një konflikti fizik për motive banale kanë plagosur me mjete prerëse-shpuese, shtetasit N.A., 18 vjeç dhe E.A., 18 vjeç, (vëllezër), banues në Panaja, Vlorë, të cilët kanë marrë ndihmën e nevojshme mjekësore në spital dhe aktualisht janë jashtë rrezikut për jetën.

Po punohet për kapjen dhe ndalimin e shtetasit të shpallur në kërkim.

Materialet hetimore iu referuan Prokurorisë pranë Gjykatës së Shkallës së Parë Vlorë, për veprën penale “Plagosje e rëndë me dashje, kryer në bashkëpunim”, parashikuar nga neni 88 dhe 25 i Kodit Penal.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A respektohen të drejtat e punëtorëve në Shqipëri?



×

Lajmi i fundit

Protesta e diasporës në seancë plenare, kërkohet mundësia për të votuar: Këta që janë në pushtet e kanë premtuar që në 2009

Protesta e diasporës në seancë plenare, kërkohet mundësia për të votuar: Këta që janë në pushtet e kanë premtuar që në 2009