POP 5

Lajmet më të lexuara të 5 minutave të fundit

Vlorë, shkolla e rrënuar e Kërkovës, asnjë investim prej 20 vitesh, fëmijët shkojnë për të studiuar rreth 10 km larg

Prej 20 vitesh nuk është kryer asnjë investim në shkollën e Kërkovës, ndonëse është një fshat me popullsi të madhe. Në godinën e amortizuar kanë mbetur 20 nxënës të fillores, ndërsa fëmijët e arsimit 9-vjeçar udhëtojnë çdo ditë drejt Vlorës.

Godina e shkollës 9-vjeçare “Hajredin Haxhiraj” në fshatin Kërkovë të Vlorës është krejtësisht e amortizuar. Prej 20 vitesh nuk ka njohur asnjë riparim, edhe tabela ka mbetur nga sistemi i vjetër i arsimit 8-vjeçar.

Në këtë shkollë kanë mbetur vetëm 20 nxënës të fillores. Për shkak të kushteve aspak normale për mësim, prindërit janë detyruar që fëmijët më të rritur t'i dërgojnë në shkollat e qytetit të Vlorës, 10 kilometra larg.

"Në vitet '78-'79 kur kam mbaruar unë shkollën ka qenë ta puthësh, tani shiheni vetë si është!"

"Çfarë bie lart hyn brenda. S'ka as tualete asgjë!"

"Është gjynah ta lësh kështu, se ka goxha banorë", - thanë ata.

Drejtori i shkollës Saimir Xhaferraj tha se ka marrë premtime për rikonstruksion.

"Ne si shkollë kemi bërë kërkesa të vazhdueshme dhe na kanë premtuar se së shpejti do të lëvrohet fondi për rikonstruksionin e shkollës".

Kërkova është një ndër fshatrat me popullsinë më të madhe në Bashkinë e Vlorës, me 430 familje, ndaj rikonstruksioni i shkollës mbetet domosdoshmëri.

A.M./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54