VLORE-Një automjet tip Opel është përfshirë nga flakët në qytetin e Vlorës.

Bëhet fjalë për makinën me targë YV 04 JVE në pronësi të B.K, rreth 40-vjeç.
 
Automjeti është përfshirë nga flakët pak minuta pasi ishte parkuar nga pronari në afërsi të banesës së tij.
 
Ndodhur në këto kushte, pronari i mjetit nuk ka mundur të fikë zjarrin, ndaj është dashur ndërhyrja e zjarrfikëses.
 
Sipas policisë për pasojë mjeti ka pësuar dëmtime të vogla materiale.
 
Dyshohet se zjarri është shkaktuar nga ndonjë shkëndijë elektrike.
 
Redaksia Online
B.B/Shqiptarja.com