POP 5

Lajmet më të lexuara të 5 minutave të fundit

Sociale

Vlorë, fermerët e Panajasë heqin dorë nga vreshtat: Çmimi i rakisë e verës është i ulët, mungon tregu! Dhjetëra kuintal stok

Fermerët e Panajasë në Vlorë po heqin dorë nga vreshtaria, edhe pse e kanë traditë të hershme. Ata thanë se u ka mbetur pa shitur vera dhe rakia nga sezoni i kaluar, ndaj nuk kanë më leverdi të kujdesen për kultivimin e rrushit. 

Panajaja është ndër fshatrat piktoresk të Vlorës që njihet për vreshtari dhe ullishte. Tashmë është sezoni i krasitjes së pemëve, por fermerë të paktë shihen nëpër vreshta. Ata shprehen se për shkak të prodhimit të mbetur stok, po heqin dorë nga kultivimi i rrushit dhe synojnë t’i zëvendësojnë me agrume.

Fermerët tregojnë se në banesa kanë me dhjetëra kuintal verë dhe raki që u ka mbetur pa shitur nga sezoni i kaluar, ndaj nuk kanë leverdi të merren me vreshtari, pasi dhe çmimet e pesticideve janë të larta.

“Kam 17 kuintal raki ne shtepi dhe vere dhe me ka mbetur pa shitur”.

“Rrushi ka shpenzime. Kushtojnë shtrenjtë pesticidet. Do e shkul nga rrënjët. Nga 3 dynym do mbaj vetëm 1 dynym rrush për konsum ne familje”.  

“Rakinë e shes me 300 lek për litër, por nuk vjen njeri ta marrë”.

Sipas fermerëve të Panajasë mallrat e importit kanë dëmtuar ato të vendit, që mbeten stok.

“Vjen raki nga jashtë dhe mbetet pa shitur rakia që prodhojmë ne”.

Vreshtaria dhe prodhim i verës e rakisë kanë qenë tradite e hershme për këtë fshat me 200 banorë. Mungesa e mbështetjes me subvencione dhe sidomos vështirësitë e tregut po çojnë në uljen e sipërfaqes së vreshtave në Panaja.

B.K/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15