Një vjedhje e rëndë në vlerën e 31 mijë eurove ndodhi dy muaj më parë në një shtëpi në Suharekë, në Kosovë. Ndonëse videot dhe pamjet e regjistruara në kamera, tregojnë fytyrën të dyshuarit, policia ende nuk e ka identifikuar personin në fjalë.

Policia e Kosovës ka publikuar fotografinë e një personi, i cili dyshohet se bashkë me disa persona të tjerë më datën 21 maj të këtij viti, rreth orës 20:05 kanë hyrë në një shtëpi në Suharekë dhe kanë vjedhur stoli ari me vlerë rreth 20 mijë euro si dhe para të gatshme 11 mijë euro.

Lidhur me rastin policia ka siguruar video dhe foto të personit që dyshohet që i ka vjedhur paratë dhe janë bërë hetime të vazhdueshme për identifikimin e tij, por nuk është arritur që të identifikohet dhe të lokalizohet vendqëndrimi i të dyshuarit.

Sakaq me qëllimin që të zbulohet sa më parë vendndodhja dhe identiteti i tij, policia ka bërë të ditur se nga Prokurori i Shtetit është lëshuar autorizim për publikimin e fotografive të marra nga kamerat e sigurisë.

“Kërkojmë bashkëpunim nga të gjithë qytetarët, që nëse  kanë çfarëdo informatë, apo dinë diçka për vendndodhjen e të dyshuarit në foto, të raportojnë policinë në Suharekë, apo në cilin do stacion të policisë në Kosovë”, thuhet më tej në njoftim.

M.T/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Dhjetor, 10:22

    Klodian Braho merr zyrtarisht detyrën, prisni ndryshim në punën e SPAK?

Lajme të tjera