Policia e Sarandës ka kapur sot autorin e vjedhjeve të cilat prej 20 ditësh ishin kthyer në makthin e qytetarëve.

Sipas saj, falë operacionit të koduar "iPad-Apple" është kapur Elvis Zoto, 29 vjeç në aksin rrugor të lagjes nr.4 Sarandë, pasi kishte vjedhur banesa, lokale dhe materialeve të tjera nëpër automjete, të cilat kanë rezultuar se janë marrë dhe përvetësuar me qëllim shitje brenda një harku kohor prej 20 ditësh.

Ai dyshohet të jetë autor i kryerjes së 3-vjedhjeve të tjera, për të cilat Policia po punon për dokumentimin e plotë të këtyre ngjarjeve.

Policia në momentin e arrestimit ka sekuestruar në cilësinë e provës materiale:
- 3-aparatë të llojit "iPad",
- 1-aparat celularë i llojit "HTC",
- 2-kasetofona.
 

Redaksia Online
(F.T/shqiptarja.com)