POP 5

Lajmet më të lexuara të 5 minutave të fundit

Kronikë

Vodhi 5.5 milion lekë të sekuestruara nga hetimi që po kryente, SHÇBA pezullon nga detyra nënkomisarin në Tiranë

SHÇBA ka pezulluar sot nga detyra nënkomisarin në Drejtorinë e Përgjithshme të Policisë së Shtetit, pasi dyshohet për vjedhje.

Vodhi 5.5 milion lekë të sekuestruara nga hetimi që po kryente, SHÇBA pezullon nga detyra nënkomisarin në Tiranë

Foto ilustruese

Një polic është pezulluar nga detyra ditën e sotme në Tiranë, pasi akuzohet për vjedhje. Është pezulluar nënkomisari Kledian Çaushaj, me detyrë specialist pranë Njësisë së Posaçme Operacionale “Enfast” (njësia për kapjen e personave në kërkim), në Drejtorinë e Përgjithshme të Policisë së Shtetit.

Çaushaj u shkarkua pasi, pas një hetimi disa mujor, rezultoi se ai, gjatë ushtrimit të detyrës si specialist pranë Sektorit të Trafiqeve të Paligjshme në Drejtorinë Vendore të Policisë Tiranë, në vitin 2016, ka vjedhur një shumë të konsiderueshme parash, me vlerë 5.5 milion lekë.

Shuma monetare ishte e sekuestruar në cilësinë e provës materiale, në kuadër të një procedimit penal.

Polici akuzohet se nuk ka zbatuar detyrimet që rrjedhin nga Kodi i Procedurës Penale për dispononim e provës materiale mbi  kthimin e sendeve, pronarëve të ligjshëm, të cilëve iu ishin sekuestruar në kuadër të hetimit.

Po ashtu, ai nuk ka përmbushur detyrimet për zbatimin e vendimit të gjykatës për kthimin e sendeve të sekuestruara. Hetimet vijojnë për dokumentimin e plotë të ngjarjes.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Karambolohen dy autoveturat në Korçë-Pogradec, plagosen 2 pasagjerët

Karambolohen dy autoveturat në Korçë-Pogradec, plagosen 2 pasagjerët

25 Dhjetor, 17:16