Vodhi me thyerje një lokal, arrestohet 42-vjeçari në Divjakë! Autor edhe i dy vjedhjeve të tjera të ndodhura më parë

Një 42-vjeçar është arrestuar ditën e sotme në Divjakë, i dyshuar si autor i vjedhjes me thyerje të një lokali në fshatin Çermë. Sipas Policisë, rezulton se 42-vjeçari është edhe autor i dy vjedhjeve të tjera të ndodhur anë fshatin Çermë. Konkretisht ai dyshohet se më 10 maj ka vjedhur banesën e shtetasit me inicialet R. M., ndërsa 4 më pas ka vjedhur një tjetër banesë, në pronësi të shtetasit me inicialet G. T..

Gjithashtu u procedua penalisht, për veprën penale "Moskallëzim krimi", shtetasi A. P., 52 vjeç.

Materialet i kaluan Prokurorisë pranë Gjykatës së Shkallës së Parë Lushnjë, për veprime të mëtejshme procedurale.