Vodhi në kohë të ndryshme, 10 mijë euro, në shtëpinë e një gruaje, arrestohet 18-vjeçari

ELBASAN- Një 18-vjeçar është arrestuar në Elbasan, pasi ka vjedhur në kohë të ndryshme shumën prej 10 mijë eurosh në shtëpinë e një gruaje.

Në pranga ka rënë Arnil Zani, teksa ka dyshime se ai ka qenë një person i afërt i gruas i cili ka pasur informacione se ajo mbante një sasi të madhe parash në banesë.

Ndaj tij rëndon akuza për veprën penale "Vjedhja". 

"Finalizohet nga Komisariati i Policisë Elbasan, operacioni policor i koduar "Thousands", për goditjen e veprimtarive kriminale në fushën e vjedhjes së pronës dhe pasurisë. Vodhi në kohë të ndryshme, shumën prej 10 000 eurosh, në banesën e një shtetaseje, shërbimet e Policisë identifikojnë dhe arrestojnë në flagrancë 18-vjeçarin.

Në vijim të punës për parandalimin e vjedhjeve të pronës dhe pasurisë, zbardhjen dhe dokumentimin ligjor të atyre të ndodhura më parë, si dhe identifikimin dhe kapjen e autorëve, shërbimet e Komisariatit të Policisë Elbasan organizuan dhe finalizuan me sukses operacionin policor të koduar "Thousands". Si rezultat i këtij operacioni, shërbimet e Policisë bënë të mundur identifikimin, kapjen dhe arrestimin në flagrancë të shtetasit: 

-A. Z., 18  vjeç, banues në Elbasan, për veprën penale “Vjedhja”, pasi ky shtetas në periudha të ndryshme kohore, dyshohet se ka vjedhur shuma parash, me vlerë totale 10 000 euro, në banesën e një shtetaseje. Materialet u referuan në Prokurorinë pranë Gjykatës së Shkallës së Parë Elbasan, për veprime të mëtejshme", njofton policia. 

B.K./Shqiptarja.com

TAG:
• Arnil Zani
• vjedhje
• Elbasan