Vodhi një lokal, vihet në pranga 43-vjeçari në Lushnje, nën hetim edhe 4 familjarët e tij pasi tentuan të mos lejonin policinë ta arrestonte

Një 43-vjeçar është arrestuar nga Policia ditën e sotme në Lushnje, pasi akuzohet se ka vjedhur një lokal në qytet. Në pranga ka rënë Gazment Kiptiu, 43 vjeç, banues në Lushnjë, i dënuar më parë po për vjedhje.

Po ashtu Policia bën me dije se kanë nisur hetimet edhe për 4 familjarë të 43-vjeçarit, pasi gjatë shoqërimit të tij për në Komisariat, kanë kundërshtuar policinë.

43-vjeçari nuk i është bindur urdhrit të punonjësit të Policisë bashkë me familjarët e tij, ndërsa hetimet kanë nisur për M. G., 37 vjeçe, E. K. 20 vjeçe, Sh. K. 65 vjeçe dhe RXh., 19 vjeç.

Gjatë kontrollit të banesës u gjet dhe sekuestrua shuma e parave të vjedhura, 1 celularë, 1 ipad dhe disa paketa cigare.

Materialet i kaluan Prokurorisë pranë Gjykatës së Shkallës së Parë Lushnjë për veprat penale “Vjedhje”, “Mosbindje ndaj urdhrit të punonjësit të Policisë së rendit publik” dhe “Kundërshtimi i punonjësit të Policisë së rendit publik”.

 

TAG:
• Fier
• vjedhje
• Arrestime
• lushnje