POP 5

Lajmet më të lexuara të 5 minutave të fundit

Kronikë

Vodhi orën me vlerë 20 mijë euro në valixhen e një udhëtari, arrestohet punonjësi i ngarkim-shkarkimit të bagazheve në Rinas

Punonjësi i ngarkim-shkarkimit të bagazheve në aeroportin e ‘Nënë Tereza’ në Rinas është arrestuar nga policia pasi dyshohet se ka vjedhur në valixhen e një udhëtari një orë me vlerë 20 mijë euro

Vodhi orën me vlerë 20 mijë euro në valixhen e një udhëtari, arrestohet punonjësi i ngarkim-shkarkimit të bagazheve në Rinas

Foto ilustruese

TIRANË- Klajdi Qerimi, punonjësi i ngarkim-shkarkimit të bagazheve në aeroportin e ‘Nënë Tereza’ në Rinas është arrestuar nga policia pasi dyshohet se ka vjedhur në valixhen e një udhëtari një orë me vlerë 20 mijë euro.

Kallëzimi është bërë nga një 30-vjeçar, në emër të kushëririt të tij, i cili kishte udhëtuar nga Rinasi drejt Athinës, por kur kishte mbërritur në kryeqytetin grek kishte konstatuar se nuk kishte orën në valixhe.

Për këtë policia ka vënë në pranga 24 vjeçarin, banues në Krujë, me detyrë punonjës i sektorit të ngarkim-shkarkimit të bagazheve, në vendqëndrimin e avionëve. Policia ka sekuestruar edhe orën e vjedhur, me vlerë rreth 20 000 euro.

‘Vodhi një orë të shtrenjtë, në një prej bagazheve të udhëtarëve,  identifikohet, kapet dhe vihet në pranga 24-vjeçari, punonjës për ngarkim-shkarkimin e bagazheve, në vendqëndrimin e avionëve në Rinas.   

Sekuestrohet ora me vlerë rreth 20 000 euro.

Specialistët për Hetimin e Krimeve të Komisariatit të Policisë Rinas, në vijim të punës për goditjen e paligjshmërive, pas kallëzimit të depozituar nga një 30-vjeçar, se kushëririt të tij, i cili kishte udhëtuar nga Rinasi drejt Athinës, i kishin vjedhur një orë të kushtueshme të cilën e mbante në bagazhet e tij dhe vjedhjen e së cilës ai e kishte konstatuar në momentin kur kishte arritur në Athinë, menjëherë kanë organizuar punën për dokumentimin e plotë ligjor të rastit dhe vënien përpara përgjegjësisë ligjore të autorit të dyshuar.

Si rezultat i veprimeve operative dhe procedurale të kryera nga Seksioni për Hetimin e Krimeve, u arrit të identifikohet si autor i kësaj vjedhjeje, shtetasi K. Q., me detyrë punonjës i sektorit të ngarkim-shkarkimit të bagazheve, në vendqëndrimin e avionëve. 

Në vijim të veprimeve u bë  arrestimi i autorit të dyshuar, shtetasit K. Q., 24 vjeç, banues në Krujë, me detyrë punonjës për ngarkimin dhe shkarkimin e bagazheve, në aeroportin e Rinasit. 

Në cilësinë e provës materiale u sekuestrua ora e dyshuar e vjedhur, me vlerë rreth 20 000 euro.

Materialet i kaluan Prokurorisë.’- njofton policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • tiku: 27/05/2024 08:37

    po keta plehra nxirini emrin dhe foto qe te diskretitohen

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

'Dorëzoni armët, ose do groposeni me to', Erdogan paralajmëron rebelët kurdë në Siri

'Dorëzoni armët, ose do groposeni me to', Erdogan paralajmëron rebelët kurdë në Siri

25 Dhjetor, 15:50