Geraldo Durda vëllai i Edison Durdës, fëmijës së vrarë ndërsa luante me biçikletë në rrugët e Gërdecit afër repartit ku ndodhi shpërthimi, ka postuar sot një mesazh jo dhe aq të koduar për familjen Berisha.

“Fakt është që krimi shtetëror dhe privat, na vrau në mes të ditës, por Kujdes Sali Malet e Gramshit nuk ndryshojnë nga ato të Tropojës !!!” – ka shkruar Geraldo në Facebook.

Familja Durda është në origjinë nga Gramshi dhe e vendosur në Vorë vite më parë.

Ata humbën fëmijën e tyre nga shpërthimi i fuqishëm në Gërdec teksa ishte duke luajtur me biçikletë dhjetë vite më parë.

Sot, mamaja e viktimës, Zamira Durda kërkoi nga prokurorja Arta Marku që t’i rihapte hetimet për çështjen, për të cilën të dënuarit së përgjegjës ia hodhën me disa dënime fare të lehta.

post

Postimi i Geraldo Durdës në Facebook

s.k/Shqiptarja.com