Vogëlushja shqiptare që dizenjon
për mbretëreshën Elizabeth

Duart e vogla te vajzës shqiptare Fiona Kurti kanë hedhur në letër dizenjot për veshjet e Mbretëresh Elizabeth II-të dhe Dukën e Edimburit, me rastin e Festimeve Diamond Jubile. Lajmi është bërë publik nga të gjitha sitet britanike. Fiona nxënëse e klasës së 6 –të në shkollën Burnt Ash Primary ka lindur në Londër pas emigrimit të dy prindërve, të cilët lanë Shqipërinë dhe profesionet e tyre për një jetë më të mirë në Mbretërinë e Bashkuar.
Emri i saj është përzgjedhur mes dhjetra emrave të tjerë, në krah të nxënësit tjetër nga shkolla St’Vincent’s Catholic, Mathow Dudok. Juria në një vlerësim total arriti të sigurojë përzgjedhjen e duhur. Kryetari është shprehur: “Të gjitha dizajnimet për konkurrencë ishin fantastike dhe kjo ishte me të vërtetë e vështirë që të seleksionoje fituesit, sepse standardi ishte aq i lartë. Ishte një privilegj i vërtetë për të parë nëpër të gjitha fotot dhe unë u befasova me dizajnet.
"Unë do të doja të përgëzoj fituesit dhe të gjithë të rinjtë që kanë hyrë në konkurs."Shkëlqesia e saj Mbretëresha Elizabeth II-të dhe Duka i Edinburgut do të vizitojnë qendrën e qytetit Bromley në mëngjesin e 15 Majit. Ata do të marrin pjesë në një vrojtim të një ngjarje të veçantë publike për të përkujtuar Jubileun Diamond e Mbretëreshës në Bromley duke vizituar Glades Shopping Centre. Ngjarja unike gjatë gjithë ditës do të jetë e hapur dhe publike, 'Londër si një Qendër Globale e modës' do të shihni kopshte.
Mbretëreshës dhe Qendrën Glades Shopping transformuar me ekspozita të modës, festimet e designet e modës britanike nga 60 vitet e fundit dhe modelet e së ardhmes, ku do të jetë edhe dizajnimi i Fiona Kurtit. E kontaktuar nga shqiptarja.com mamaja e Fionës, Aida tregon se ditën e ceremonisë së cmimeve Fiona ka kërkuar një veshje të thjeshtë dhe ka mbetur e habitur për çmimin pasi beson se shoqet e saj pikturojnë edhe më bukur se ajo.
Komplimente për vizatimin Fiona por akoma më shumë për thjeshtësinë.

(mk/im/shqiptarja.com)