POP 5

Lajmet më të lexuara të 5 minutave të fundit

Politikë

Vokshi: Politikat e “punësimit”
të Ramës, shtojnë viktimat

Deputetja e Partisë Demokratike, Albana Vokshi, njëherazi kryetare e komisionit parlamentar për shëndetësinë, akuzon kryeministrin Edi Rama se prej politikave të tij, po merr jetë njerëzit. Duke iu referuar vetëvrasjes së një të larguari nga puna një dite më parë në Dibër, Vokshi ironizon sloganin e kryeministrit për 300 mijë vende pune, duke theksuar se politikat e tij po shtojnë viktimat.
Vokshi: Politikat e “punësimit”<br />të Ramës, shtojnë viktimat
Deputetja e Partisë Demokratike, Albana Vokshi, njëherazi kryetare e komisionit parlamentar për shëndetësinë, akuzon kryeministrin Edi Rama se prej politikave të tij, po merr jetë njerëzit. Duke iu referuar vetëvrasjes së një të larguari nga puna një dite më parë në Dibër, Vokshi ironizon sloganin e kryeministrit për 300 mijë vende pune, duke theksuar se politikat e tij po shtojnë viktimat.

“Premtoi 300 mijë vende pune, por sot kemi një tjetër viktimë e pafajshme falë politikave “të punësimit”...Bilancit tragjik të viktimave të vrasjeve, aksidenteve në këtë fillim viti i shtohen dhe ato të varfërisë, mjerimit që ka pllakosur si zi kombëtare. Vetëvrasja e minatorit që u hoq nga puna, e çon në një dramë të vërtetë jetët njerëzore në këtë sektor, ku krahas aksidenteve në punë ndodhin dhe vetëvrasjet.

Ministri hesht ndërsa kryeministri flet për reforma që do jua shohim hairin sipas tij vite më vonë...”, u shpreh Vokshi. Edhe pse qytetarët jetojnë ditë të vështira në pragun e minimumit jetik, theksoi deputetja e PD, nga ana tjetër koncesionarët e kompanive kryeministrore e ministrore ne shëndetësi, arsim, industri, infrastrukturë, energjetikë, mjedis etj, etj, majmin llogaritë dhe e rrisin luksin pa fre të qeveritarëve.

“Në anën tjetër të humnerës ku Rilindja e ka rrëzuar Shqipërinë, shtohen jetët e këputura në mes vuajtjesh e mundimesh të kryefamiljareve nëna e baballarë. Deri kur ky gjunjëzim, ky rrënim që po përgjysmon popullsinë tonë të vogël me eksod, vrasje, vetëvrasje? Problemi është vetë qeveria, por fajtorët nuk duhet të jemi ne për të mbajtur në këmbë këtë pushtet antishtet, antikombëtar”.

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16