Volejboll/ Tirana e pafat në Europë, Giesen e mund 1-3 me sete në kryeqytet

Volejboll/ Tirana e pafat në Europë, Giesen e mund 1-3 me sete në kryeqytet

Volejbollistët e Tiranës

Tirana e volejbollit për meshkuj bëri debutimin në Kupat e Evropës dhe konkretisht në turin e dytë të Challange Cup për fazën e 1/16. Në Pallatin Sportiv në Farkë, djemtë e Arben Sakos humbën 1-3 me sete kundër gjermanëve të Giesen. Në turin e parë Tirana kaloi izraelitët e Maccabi Tel Aviv në tavolinë, teksa këta të fundit u tërhoqën për shkak të luftës.

Sfida - Miqtë e nisin më mirë duelin, teksa u duken më të organizuar për të realizuar 5 pikët e para të takimit. Tirana provoi të reagonte, por Giesen e kontrolloi lojën, duke fituar bindshëm 16-25 në fraksionin e parë. Nëse u krijua ideja se do të ishte një shëtitje për skuadrën gjermane, Tirana rikthehet fuqishëm në setin e dytë.

Të mbështetur edhe nga publiku, me rreth 500 spektatorë të pranishëm, bardheblutë e përmirësuan ndjeshëm lojën, ndërsa për herë të parë në këtë takim e panë veten në epërsi, duke kaluar në 15-14, për ta ruajtur avantazhin, duke triumfuar 25-23 në setin e dytë.

Në setin e tretë u duk se Tirana do barazonte, por pas rezultatin 13-13, në fund seti u mbyll 20-25 për Giesen. Në setin e katërt miqtë nga Gjermania dominuan dhe fituan 16-25, për rezultatin final 1-3 me sete. Ndeshja e kthimit do jetë më 28 nëntor në orën 19:00.

Volejboll/ Tirana 1-3 Helios Giesen (16-25, 25-23, 20-25, 16-25)

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Klos/ Zjarr në pyllin e fshatit Kurdari, ndërhyn helikopteri për shuarjen e flakëve

Klos/ Zjarr në pyllin e fshatit Kurdari, ndërhyn helikopteri për shuarjen e flakëve