TIRANË - Në Pallatin e Sportit "Asllan Rusi" është zhvilluar ndeshja e parë finale e kampionatit të volejbollit për meshkuj. Në parket Tirana fitoi 1-3 me sete kundër rivalëve të Partizanit.
Seti i parë foli për të kuqtë që u imponuan 25-21, për mos mbajtur dot avantazhin. Bardheblutë përmbysën gjithçka që në setin e dytë 20-25, për të vijuar 21-25 dhe 24-26.
Kështu Tirana merr avantazhin në finalen e parë, teksa takimi i radhës do jetë të enjten më 25 prill në orën 19:00 në Sallën Sportive të Farkës. Takimi i tretë është planifikuar për t'u zhvilluar në datën 28 prill në orën 18:00, ndërsa dy të tjerat për në 1 dhe 4 maj.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)