POP 5

Lajmet më të lexuara të 5 minutave të fundit

Ekonomi

Vonesa me tamponët, MSH: Do hapet laboratori i tretë! Po studiojmë paketën e rimbursimit të ilaçeve, çmimi i vaksinës COVID po mendohet të jetë 10.2 $

Brenda kësaj jave do të hapet laboratori i tretë për testet e COVID-19, pas shumë ankesash për vonesat në marrjen e përgjigjes së tamponit. Ndërkohë Ministria e Shëndetësisë është duke diskutuar edhe mundësinë e rimburshimit të ilaçeve që përdorin të infektuarit në shtëpi, një kërkesë kjo e parashtruar edhe nga kreu i Partisë Demokratike Lulzim Basha.

TIRANË- Të shumtë janë qytetarët që kanë shfaqur ankesa për vonesën e përgjigjeve të tamponit për COVID, një shqetësim ky i përcjellë edhe përmes zërit të kryedemokratit Lulzim Basha. Për t’i dhënë zgjidhje, Ministria e Shëndetësisë po mendon hapjen e një laboratori të tretë këtë javë për testet COVID-19.

“Porsa i takon vonesave për testet dhe përgjigjet ne brenda javës do të hapim laboratorin e tretë dhe do të jetë ai që do të shërbejë për të ulur vonesat dhe do të dyfishohen kapacitetet. Sa i takon paketës së rimbursimin të ilaçeve, qeveria është duke vlerësuar paketat e kurimit për skenarin kur ai është në shtëpi, pra dy skenar trajtim i thjeshtë dhe i moderuar. Jemi endi duke diskutuar dhe për të gjetur mundësinë e financimit”,u shpreh sekretarja e Ministrisë së Shëndetësisë Gelardina Prodani.

Sekretarja e Ministrisë, Gelardina Prodani tha se si pjesë e marrëveshjes COVAX, Shqipëria do ta sigurojë vaksinën anti-COVID të cilën një qytetar mund ta blejë për 10 dollatë.

 “Sigurimi i vaksinës COVID-19, nëpërmjet sistemit COVAX ku do të sigurohen 1.2 milionë doza vaksine, sipas angazhimit të bërë në vitin 2020 do të jetë me kosto 12 milionë dollar, përllogaritja e çmimit për vaksinë parashikohet 10.2 dollar, por ende është duke u rishikuar”, tha Prodani.

Për Ministrinë e Shëndetësisë, buxheti për 2021-shin në vlerën e 67.7 miliardë lekëve është i mjaftueshëm dhe i përmbush të gjitha nevojat dhe kostot për pandeminë. Por, pavarësisht financimit me fonde nga buxheti i shtetit, Ministria e Shëndetësisë ka nënshkruar një marrëveshje për kredinë e re me Bankën Botërore.

 “Qeveria shqiptare ka nënshkruar një marrëveshje për kredi me Bankën Botërore, për 15 milionë euro, që këto dit do të shqyrtohet edhe nga ju. Ky është një instrument i përdorur nga Banka Botërore për emergjencën për të për të përballuar pandeminë COVID, dhe do të konsistojë në fuqizimin e kapaciteteve laboratorike, fuqizimin me kite, fuqizim i sistemit me autoambulanca etje”,deklaroi përfaqësuesja e ministrisë në Komisionin e Ekonomisë.

Me situatën aktuale të pandemisë, në Shqipëri nuk mendohet të kthehet një mbyllje e dytë. Zonja Prodani tha se nga 1 janari 2021 do të fillojë rritja e pagave për stafin mjekësor, ndërsa në përgjigje të akuzave se bluzat e bardha nuk kanë marrë shpërblimet e premtuara ajo tha se janë 550 mjekë, 3130 infermier dhe 134 epidemiologëqë kanë marrë bonusin 1 mijëeuro dhe janë 739 staf mbështetës të cilët kanë përfituar 500 euro bonus në muaj.

Aktualisht, në vendin tonë janë 2 laboratorë për tamponët. Ai në ISHP, dhe mikrobiologjiku në QSUT, ndërsa karshi pagesës ky shërbim merret edhe në laboratorët privatë të licencuar nga Ministria e Shëndetësisë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

FOTOLAJM/ Presidenca ‘vesh’ dekorin e festave, ndriçohet nga drita shumëgjyrshe

FOTOLAJM/ Presidenca ‘vesh’ dekorin e festave, ndriçohet nga drita shumëgjyrshe

27 Nëntor, 18:40