Votën për kandidatët, PD
e përkthen në 63 mandate

TIRANE- Në raportin e siguruar nga “Shqiptarja.com”, votën e 21 qershorit demokratët e përkthejnë në 63 mandate deputetësh në Kuvendin e Shqipërisë. Edhe pse koalicioni i djathtë, APPD, fitoi vetëm 15 nga 61 bashki në të gjithë vendin, në raport-analizë shkruhet se përkundrejt reformës territoriale të njëanshme, Partia Demokratike ka dalë me epërsi ndaj kundërshtarëve. Sipas dokumentit të Ristanit, shumatorja e 677 mijë e 403 votave që koalicioni i PD ka marrë në zgjedhjet e 21 qershorit, përkthehet në 63 mandate deputetësh për “Aleancën Popullore për Punë dhe Dinjitet”.

“Kandidatët e PD fituan 15 Njësi Zgjedhore. Në total, Kandidatët e Koalicionit të PD fituan 677,403 vota, përball 847,698 të maxhorancës së majtë. Koalicioni i drejtuar nga PD, fitoi 507,285 vota, ndërsa PD mori 317,620 vota, ose 20.33% të totalit të votës për këshilla që përkthehen në 511 këshilltarë gjithsej, prej këtyre 299 si përfaqësues të PD. Nga ndarja e territorit por dhe nga shumë diferenca të ngushta në rezultatin për njësi vendore, PD ka fituar 1 njësi për rreth 45 mijë vota, ndërsa kundërshtarët tanë kanë fituar 1 njësi për afërsisht 19 mijë vota.