Votat për reformën, deputetët e
PS mesazhe kolegëve të opozitës

Deputetët e Partisë Socialiste e kuptojnë pozicionin e vështirë të kolegëve demokratë, të cilët të vendosur nën presionin e liderit, nuk mund të votojnë reformën në drejtësi. Por një grup deputetësh socialistë, përmes gazetës “Shqiptarja.com” u janë drejtuar kolegëve demokratë, me thirrjen e veprimit jashtë “diktaturës partiake”, madje u kanë kërkuar të shkëputen nga lajthitja e Sali Berishës, e të votojnë reformën si një akt patriotik. Socialistët thonë se, nëse PD voton reformën, ajo do të jetë më e mbështetur nga votuesin në provën e ardhshme elektorale.

Musa Ulqini: Opozita e vyer, të vijë e të votojë
Një prej deputetëve më me eksperiencë të parlamentit, që ka marrë pjesë në përgatitjen dhe votimin e shumë reformave në vend, Musa Ulqini, ka një mesazh vlerësues për rolin e opozitës për reformën në drejtësi, teksa i sfidon ata duke thënë se kësaj reforme i frikësohen vetëm “mëkatarët”. Për Ulqinin, kjo është reforma e shpresës, e cila mbart në vetvete një kontribut të vyer jo vetëm shqiptar por edhe ndërkombëtar. Të vyer Musa Ulqini quan edhe opozitën e këtij vendi, dhe beson se ajo do ta votojë këtë reformë. “Asnjë reformë e ndërmarrë deri më sot nuk ka përmasat dhe rëndësinë e Reformës në Drejtësi.