POP 5

Lajmet më të lexuara të 5 minutave të fundit

Arkiva

Votimi për bordin e AMF-së
Balla: S' kishte vendim politik

Deputetit socialist Taulant Balla në emër të Grupit PS, sqaron votimin fshehtë që u zhvillua dje në Parlament në lidhje me kandidaturat për bordin e Autoritetit të Mbikëqyrjes Financiare. Sipas Ballës nuk kishte rrjedhje të votave, pasi PS nuk kishte marrë vendim politik. Ishte vendim individual i deputeteve.
TIRANE-  Deputetit socialist Taulant Balla në emër të Grupit PS, sqaron votimin fshehtë që u zhvillua dje në Parlament në lidhje me kandidaturat për bordin e Autoritetit të Mbikëqyrjes Financiare. Kandidatura e Enkelejda Shehit, bashkëshortja e kreut të LZHK-së, Dashamir Shehi për postin e kryetares së bordit mori 117 vota pro dhe 12 kundër. Ndërsa kandidatura e Mati Pepa, anëtar i Autoritetit të Mbikëqyrjes Financiare, mori 85 vota pro dhe 43 kundër. Nga votimi i fshehtë të paktën 12 deputetë socialistë votuan pro kandidatit të propozuar nga e djathta, pasi në sallë ishin vetëm 73 deputetë të maxhorancës.

Nga disa media vendase ky votim u quajt, rrjedhje e votive pasi Grupi i PS kishte vendosur të votonte kundër Mati Pepa. Ndërkohë që deputeti Taluant Balla reagoi sot nëpërmjet një njoftimi për shtyp duke thënë se në disa media është keqintepretuar votimi i grupit parlamentar.

“Grupi Parlamentar Socialist i ka të specifikuara qartë në Rregulloren e organizmit dhe funksionimit të tij mënyrën e vendimmarrjes. Në nenin 24 të Rregullores, paragrafi i tretë, thuhet se “Kur e gjykon të arsyeshme, Grupi mund të vendosë që votimi të bëhet sipas gjykimit individual të secilit deputet. Grupi Parlamentar Socialist nuk kishte marrë një vendim për mënyrën e votimit për dy kandidaturat e paraqitura, duke e vlerësuar të arsyeshme që votimi të bëhej sipas gjykimit individual të deputetëve.”- deklaroi Balla.

Mati Pepa ka qenë drejtor i QSUT-së gjatë periudhës që Nard Ndoka, kreu i PDK-së, sot aleat i PS-së, ka qenë ministër Shëndetësie.
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11