Policia e Durrësit arriti të arrestojë 3 persona, të dyshuar për vrasjen e 19-vjeçarit Blerim Hoxha, i cili gërvishti makinën e një prej të dyshuarve.

19-vjeçari Blerim Hoxha u plagos me thikë pasditen e së premtes në Fermë Sukth dhe ndërroi jetë në Spitalin Ushtarak pak orë më vonë. Grindja mes të rinjve ndodhi në rrugë, në afërsi të Urës së Sukthit.

Policia ka arrestuar mëngjesin e sotëm shtetasit Andrit Toçi 21 vjeç, Armando Xheka 18 vjeç dhe Ervis Xheka 19 vjeç.