Vranë kineasten me armë zjarri në shesh xhirimin e filmit 'Rust', ngrihen akuza kundrejt aktorëve Baldwin dhe Hannah Reed

Aktori Alec Baldwin dhe personi përgjegjës për mbajtjen e armës në sheshin e xhirimit, Hannah Gutierrez Reed, akuzohen për vrasje të pavullnetshme të kineastes Halyna Hutchins gjatë xhirimeve të filmit  "Rust" në vitin 2021.

Baldwin ka pohuar se nuk ishte në dijeni se arma që qëlloi në set përmbante një plumb të drejtpërdrejtë dhe avokati i tij e quajti vendimin e prokurorëve "një gabim të tmerrshëm drejtësie".

Baldwin kishte qenë duke provuar një skenë për filmin Rust kur ndodhën të shtënat në një fermë pranë Sante Fe, Neë Mexico në tetor 2021.

Dyshja po përballet me 18 muaj burg dhe 5000 dollarë gjobë nëse shpallen fajtorë.

Regjisori i filmit Joel Souza u plagos gjithashtu në të shtënat, por prokurorët thanë se nuk do të ngrihej asnjë akuzë në lidhje me këtë.

Pas të shtënave, Baldwin tha se arma ishte shkrepur gabimisht. Ai shtoi se nuk e ka tërhequr këmbëzën në armë dhe nuk ka qenë në dijeni që ajo ishte e mbushur.

“Nuk e di se çfarë ndodhi në atë set. Nuk e di se si arriti ai plumb në atë armë. Nuk e di,” tha ai në dhjetor 2021.

Avokati i tij thotë se aktori nuk ishte në dijeni që arma kishte fishekë.

“Ky vendim shtrembëron vdekjen tragjike të Halyna Hutchins dhe përfaqëson një gabim të tmerrshëm drejtësie. Z. Baldwin nuk kishte asnjë arsye të besonte se kishte një plumb të vërtetë në armë - ose kudo në setin e filmit, "tha avokati Luke Nikas.Ai u mbështet te profesionistët me të cilët punonte, të cilët e siguruan se arma nuk kishte fishekë të drejtpërdrejtë. Ne do t'i luftojmë këto akuza dhe do të fitojmë", tha avokati i Balwin.

F.D/Shqiptarja.com