POP 5

Lajmet më të lexuara të 5 minutave të fundit

Kronikë

Gramsh/ Vrasja e 15-vjeçarit pas sherrit për rrjetet sociale, shtyhet seanca për 4 të miturit! Familjarët e viktimës kundër gjykimit të shkurtuar

Shtyhet seanca gjyqësore në ngarkim të 4 adoleshentëve të akuzuar për vrasjen e bashkëmoshatarit të tyre, Fatjon Bici në maj të vitit 2023 në qytetin e Gramshit. Seanca në Gjykatën e Elbasanit është shtyrë pasi nuk u plotësua trupi gjykues prej 3 anëtarësh.

ELBASAN- Shtyhet seanca gjyqësore në ngarkim të 4 adoleshentëve të akuzuar për vrasjen e bashkëmoshatarit të tyre, Fatjon Bici në maj të vitit 2023 në qytetin e Gramshit. Seanca në Gjykatën e Elbasanit është shtyrë pasi nuk u plotësua trupi gjykues prej 3 anëtarësh. Sakaq të pranishëm kanë qenë familjarët e të ndjerit, Bici, të cilët kanë kundërshtuar gjykimin e shkurtuar për autorët. Edhe gjatë seancës paraprake avokati i familjarëve të viktimës ka ankimuar “gjykimin e shkurtuar”. Sakaq, seanca e radhës është caktuar më datë 28 shkurt ora 14:00 në Gjykatën e Elbasanit.

Ndaj të miturve O. Çarçiu, E. Karaj, S. Murati, Xh. Çekrezi rëndojnë akuzat; “vrasje në rrethana të tjera cilësuese e kryer në bashkëpunim” “vrasje në rrethana të tjera cilësuese e mbetur në tentativë”, “Prodhimi, mbajtja, blerja apo shitja pa leje e armëve të ftohta ”. Për të gjitha veprat penale që rëndojnë ndaj tyre, rrezikojnë deri në 15 vite burg.

Më 16 Maj 2023 Fatjon Bici u vra me thike vetëm pak metra larg shkollës, në lulishten e qytetit të Gramshtit. Katër autorët e moshës 15 dhe 16 vjeç i bënë pritë kushëririt të Fatjon Bicit, me të cilin ishin konfliktuar në rrjete sociale. Të pajisur me thika dhe doreza forcuese grushti sulmuan kushëririn e Fatjonit, ndërsa ky i fundit mbeti i vrarë teksa hyri për ta mbrojtur.

Në dosjen e prokurorisë, citohen mesazhet e shkëmbyera mes djemve në konflikt ku i dërgonin njëri tjetrit në ‘snapchat’ foto të thikave dhe përforcues grushti. Sherri nuk kishte një motiv të qartë, por adoleshentët ishin grindur në një park lojërash e më tej i tregonin forcën njeri-tjetrit ne rrjetet sociale.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46