Vrasja e 4-fishtë, shtyhet seanca
ndaj Xhuvanit, mungon në gjyq

TIRANE - Seanca e sotme për Kostandin Xhuvani, i vënë nën akuzë për vrasjen e 4 personsave, është shtyrë për më 5 mars. Shkak për këtë është bërë mungesa në seancë e Xhuvanit, për arsye ende të paqarta.

Në seancën e sotme, Xhuvani do të duhej të paraqiste mbrojtjen, në lidhje me kërkesën e Prokurorisë për burgim të përjetshëm ndaj tij.

Në seancat gjyqësore, Gjykata e Tiranës ka pranuar kërkesën e Xhuvanit për gjykim të shkurtuar çka do të thotë se me pranimin e saj dhe me një proces të shkurtuar, Xhuvani i shpëton burgut përjetë.

Konstandin Xhuvani është djali i ish-deputetes të Partisë Socialiste Luiza Xhuvani dhe regjistori të njohur Gjergj Xhuvani. Ai u arrestua mëngjesin e 4 nëntorit të vitit 2014, pasi vrau me armë 4 vetë në lokalin e natës Ante Grand pranë ambasadës amerikane. Viktimat ishin Arbër Demiraj, 19 vjeç. Enea Xhaj, Edison Jaho dhe italiani Paolo Azzola.

Redaksia Online
(e.c/shqiptarja.com)

TAG:
• gjergj xhuvani