Vrasja e 5-fishtë, Fyle:
Përmbahuni nga fajësimet

BRUKSEL-Komisioneri për zgjerimin e BE, Stefan Fyle ka kërkuar që të gjitha palët në Maqedoni të qëndrojë të qetë dhe të përmbahen nga fajësimet për vrasjen e pesëfisht në Smilkovc të Shkupit.

“Ajo që është e nevojshme në këtë moment është që të gjithë të qëndrojnë të qetë dhe të përmbahen nga identifikimi i fajtorëve të këtij krimi. Gjëja më e rëndësishme që duhet bërë në këto momente është që të kryhet një hetim i plotë dhe autorët të nxirren para drejtësisë”, theksoi Fyle.
Fyle theksoi se kupton dhimbjen që vendi po ndjenë nga ky krim, por ai apeloi për qetësi, me qëllim që autoritetet të kryejnë punën e hetimeve me sukses.

Fyle tërhoqi vërejtjen që popullsia në Maqedoni të mos lejojë përkeqësimin e bashkëjetesës ndëretnike që është në interes të vendit.