Vrasja e Çiçës, Milloshi s'flet 
para hetuesve, kërkon psikolog

Prokuroria e Tiranës kërkon të mbetet në fuqi arresti me burg për Renato Milloshin i dyshuar si bashkëpunëtor në vrasjen e Elton Çiçës në maj të vitit të kaluar.
 
Ndërkohë, gjatë paradites së sotme, Milloshi nuk ka dhënë shpjegime para hetuesve.

Ai ka kërkuar që t'i caktohet një psikolog për të bërë verifikimin e gjendjes së tij mendore.
 
Pritet që masa ndaj Renato Milloshit në gjykatë të zhvillohet këtë pasdite.
 
Renato Milloshi u vetëdorëzua 2 ditë më parë, ndërkohë që nuk ka dhënë asnjë informacion për mënyrën se si u fsheh prej 6 muajsh.

Sa i takon ekzekutimit të Elton Çiçës te lokal "De Niro" në zonën e ish-bllokut, Renato Milloshi ka deklaruar se nuk e dinte që Jani Aliaj do kryente vrasje. Ai ka pranuar se e ka ndihmuar atë të largohet nga kryeqyteti pas vrasjes. 

Redaksia Online
l.q/Shqiptarja.com

TAG:
• jani aliaj