Lidhur me vrasjen e dyfishtë që tronditi Shkodrën gjatë paradites së sotme kanë reaguar edhe ish-deputetët demokratë të cilët fajësojnë Policinë e Shtetit dhe qeverinë e kryeministrit Rama, jo vetëm për ngjarjen e sotme por për të gjitha vrasjet e ndodhura gjatë ditëve të fundit në vend.
Ish-deputeti Flamur Noka ka reaguar lidhur me vrasjen e ndodhur ditën e sotme në Shkodër. Ai thotë se terrori dhe krimi po sundojnë Shkodrën dhe policia vetëm numëron të vrarët.
"Shkodra sot u zgjua nën pushtetin e krimit.Terrori dhe krimi në ate qytet sundon po aq kohe sa sundon dhe “Rilindja “.Policia e Lleshit është kthyer thjesht ne intstitut statistikash që vetëm numëron të vrarët.Shkodra dhe gjithë Shqipëria ka kohe qe po digjet e Edi Rama nga Ertv-te e tij cdo dite vec del e krihet.Shqiptaret si kurre ndonjehere te ngërthyer nga pushteti i varfërisë , “Iluzionisti psiqik”ne krye te pushtetit ju tregon se jetojne ne parajsen 3D te projektuar ne imagjinaten e psiqikes se tij", shkruan Noka.
Edhe ish-deputeti demokrat Bardh Spahia drejton gishtin nga Policia e Shtetit dhe ministri i Brendshëm Sandër Lleshaj lidhur me vrasjen e vëllezërve Bilali të ndodhur sot në Shkodër.
"KU JE FSHEHUR SANDER LLESHAJ?
E shtuna nis me dy te vrare ne Shkoder! Pasiguri ne qytet edhe diten per diell! Sot policia angazhohet me urdher politik, per ndaluar e terrorizuar familjet e protestuesve, qe kane trembur keq kryeministrin, e nuk arrin te beje detyren kryesore: sigurine e jetes se qytetarit! Sander Lleshaj nese ke kaq merak friken e kryeministrit, behu bodyguard i tij, por edhe per ate pak kohe qe do jesh ne postin e ministrit te brendshem, siguria e qytetareve duhet te jete prioriteti! Edhe si statistika keto raste jane te frikshme per qytetaret! Eshte koha te shporreni! #SiguriPerQytetaret", shkruan Saphia.
Ish-deputeti demokrat Luçiano Boçi ka reaguar lidhur me vrasjen dyfishtë të ndodhur ditën e sotme në Shkodër. Ai e krahason Shkodrën me Palermon. Ai thotë se ne këtë situatë nuk është vetëm Shkodra por e gjithë Shqipëria dhe për këtë fakt bën fajtore policinë e Shtetit pasi sipas tij ajo hesht edhe pse di gjithçka.
"JO VETËM SHKODRA
JO VETËM PALERMO
Kronikat e sotme të vrasjes së Shkodrës, e paraqesin qytetin e humorit si Palermon e vendit.
Situata e rëndë kriminale me vrasje pareshtur, e nxit këtë përcaktim.
Po nuk është vetëm Shkodra!
Palermo është dhe Elbasani.
Palermo është dhe Durrësi
Palermo është dhe Vlora
Palermo është dhe Tirana.
E gjithë Shqipëria është një Palermo.
Qytetet tona gdhihen dhe ngrysen me vrasje bandash, vrasje hakmarrjesh, vrasje shtetërore.
Krimi kontrollon sot votat, paratë, kanalet e narko-trafikut, në bashkëpunim të ngushtë më pushtetarë, politikanë qendrorë e vendorë.
Dhe atij nuk i hyn gjemb në këmbë.
Sepse policia hesht.
Policia nuk vepron, megjithëse di gjithçka.
Policia nuk ka vullnet, sepse drejtuesit e saj janë bërë njësh me interesat kriminale.
Stina e zgjedhjeve, nxit më shumë stinën e vrasjeve, sepse krimi e di mirë që Ramës dhe skotës së tij i duhen votat dhe jo siguria e qytetarit.
Prandaj ne nuk jemi vetëm një Palermo e viteve 70-80.
Ne jemi më shumë se kaq.
Jemi vend që drejtohemi nga një organizatë kriminale e cila lan hesape, bën hesape, mbyll hesape, për hesap të pushtetit personal.
Në Palermo, krimin e organizatave e ndali protesta e qytetarëve.
Në Shqipëri kështu po ndodh...
Të vazhdojmë betejën me organizatën kriminale në pushtet.
Gjarpri i krimit mbytet nga koka!!!!!", shkuran Boçi.
Komente
Palermo e kthyet ju shqiperine ne 97 qe dha urdher krimineli juaj Berisha per hapjen e depove qe sot ky eshte bilanci juaj o maskara,o Spadhija ministrin LLeshi e ke ne shkoder mua me duket qe nuk eshte prej atyre burrave qe mshihet mendoj un, ndersa ti je nje shkerdhat qe veç leh nga larg.
Përgjigju