POP 5

Lajmet më të lexuara të 5 minutave të fundit

Bota

Vrasja e gazetarit Jamal Khashoggi/ Nis në Turqi gjyqi kundër 20 zyrtarëve sauditë

Zyrtarët sauditë gjithmonë i kanë mohuar akuzat dhe kanë deklaruar se vrasja e tij nuk ishte e urdhëruar dhe as e organizuar nga shteti saudit

Vrasja e gazetarit Jamal Khashoggi/ Nis në Turqi gjyqi kundër 20 zyrtarëve sauditë

Ka nisur sot në Turqi gjyqi ndaj 20 zyrtarëve sauditë, të akuzuar për vrasjen e gazetarit, Jamal Khashoggi, një kritik i njohur i udhëheqjes Saudite, i vrarë në tetor të vitit 2018 në Konsullatën Saudite në Stamboll.

Në shkrimet e tij për gazetën amerikane Washington Post, Khashoggi ishte shumë kritik ndaj sundimtarit de fakto të Arabisë Saudite, Princit të Kurorës, Mohamed bin Salman.

Zyrtarët sauditë gjithmonë i kanë mohuar akuzat dhe kanë deklaruar se vrasja e tij nuk ishte e urdhëruar dhe as e organizuar nga shteti saudit

Në aktakuzën e prokurorëve të Stambollit, janë të përfshirë ish-nënkryetari i inteligjencës së përgjithshme të Arabisë Saudite, Ahmed al-Asiri dhe ish këshilltari i gjykatës mbretërore, Saud al-Qahtani, të cilët akuzohen si nxitës të vrasjes dhe bashkë me rreth 20 persona të tjerë do të gjykohen në mungesë.

Khashoggi u pa për herë të fundit duke hyrë në konsullatën Saudite për të rregulluar disa dokumenta për dasmën e tij. Zyrtarët turq kanë thënë se ai u vra brenda konsullatës dhe se trupi i tij ishte shpërbërë, ndërkohë që edhe eshtrat nuk janë gjetur.

Në dhjetor një gjykatë saudite dënoi pesë persona me vdekje, dhe tre me burg për vrasjen e Khashoggit, përmes një procesi gjyqësor që u zhvillua me dyer të mbyllura.

Zyrtarët e inteligjencës amerikane kanë thënë se ata mendojnë se Princi i Kurorës është urdhëruesi për vrasjen e Khashoggit. Departamenti amerikan i Shtetit në prill të vitit 2019 publikoi një listë me 16 emra, të cilat mendohet se kanë patur rol në vrasje, duke iu mohuar atyre hyrjen në Shtetet e Bashkuara.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00