Vrasja e gazetarit Khashoggi, gjykim në Arabinë Saudite/ Merkel: Të qartësohet ngjarja

Të dyshuarit për vrasjen e gazetarit Jamal Khashoggi do të gjykohen në Arabinë Saudite. Lajmin e ka bërë të ditur ministri i jashtëm i Arabisë Saudite.

“Mediat perëndimore kanë treguar histeri me mbulimin e rastit të vrasjes së gazetarit saudit,“ u shpreh në një konferencë në Bahrejn, Adel al-Jubeir.

Një ditë më parë Turqia tha se dëshiron të ekstradojë 18 qytetarët sauditë, të cilët, autoritetet thonë se kanë qenë të përfshirë në vrasje.

LEXO EDHE:
Lufta/ Merkel: S’e prisja që Putin ta pushtonte Ukrainën, të mos e lejojmë të fitojë! Rusia sulmon me 50 dronë, Kievi shkatërron kolonën armike të karburantit

“Problemi ynë me ekstradimin është se individët janë shtetas sauditë. Ata janë ndaluar në Arabinë Saudite dhe hetimi po kryhet në Arabinë Saudite, andaj ata do të gjykohen në Arabinë Saudite”, tha ministri al-Jubeir.

Turqia dhe Arabia Saudite nuk kanë marrëveshje për ekstradim. Arabia Saudite fillimisht kishte mohuar se ka informacione lidhur me fatin e gazetarit, por prokurori publik saudit, tashmë këtë rast e përshkruan si vrasje të paramenduar.

Gazetari Khashoggi është vrarë në konsullatën saudite në Stamboll tre javë më parë. Riadi zyrtar mohon se familje mbretërore është e përfshirë në këtë ngjarje. Khashoggi ka qenë kritik i zëshëm i princit të kurorës, udhëheqësit de fakto të Arabisë Saudite.

Vrasja e gazetarit Jamal Kashogi nuk është anashkaluar as në takimin që kancelarja gjermane Angela Merkel zhvilloi në Pragë me homologun e saj çek, Andrej Babis.

“Gjermania nuk është e gatshme eksportojë armë në Arabinë Saudite derisa vrasja e gazetarit saudit, Jamal Khashoggi, të mos hetohet ashtu siç duhet,” ka thënë Merkel gjatë një konference të përbashkët për shtyp.

“Eshtë e nevojshme të qartësohet prapavija e krimit, i cili ka ndodhur në konsullatën saudite në Stamboll, ka thënë më tej kancelarja dhe derisa kjo nuk bëhet, ne nuk do të dërgojmë armë në Arabinë Saudite.”

 Khashoggi, kritik i udhëheqjes saudite, është parë për herë të fundit duke hyrë në konsullatën saudite më 2 tetor. Gati tri javë më vonë, Riadi e ka pranuar se ai është vrarë gjatë një procesi të marrjes në pyetje, i cili, siç është thënë, ka shkuar keq. Presidenti i Shteteve të Bashkuara, Donald Trump, ka hedhur përgjegjësinë te princi saudit i kurorës, Mohammed Bin Salman, por autoritetet saudite e kanë mohuar përfshirjen e familjes mbretërore në krim.

TAG:
• angela merkel
• Jamal Khashoggi

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.3%

Vota total: 1484

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq