POP 5

Lajmet më të lexuara të 5 minutave të fundit

Kronikë

Vrasja e kryekomisarit, lamtumira
nga familjarët e personalitet politike

Drejtues të lartë të shtetit, familjarë, miqtë dhe kolegët i kanë dhënë sot lamtumirën e fundit, kryekomisarit Adem Tahiraj, i cili mbeti i vrarë dje në krye të detyrës në zonën e Sukthit. Që prej orës 14.30 e deri në 16:15 janë zhvilluan homazhe në Shtëpinë Qendrore të Ushtrisë për nder të kryekomisarit.
Vrasja e kryekomisarit, lamtumira <br />nga familjarët e personalitet politike
TIRANE - Drejtues të lartë të shtetit, familjarë, miqtë dhe kolegët i kanë dhënë sot lamtumirën e fundit, kryekomisarit Adem Tahiraj, i cili mbeti i vrarë dje në krye të detyrës në zonën e Sukthit. Që prej orës 14.30 e deri në 16:15 janë zhvilluan homazhe në Shtëpinë Qendrore të Ushtrisë për nder të kryekomisarit.

Kryeministri Berisha, kryeparlamentarja Topalli, kreu i PS, Edi Rama, drejtori i përgjithshëm i policisë, Hysni Burgaj kanë vendosur kurora me lule pranë trupit të pajetë të 49 vjeçarit.

Kryeministri Sali Berisha ka theksuar se vrasja e Adem Tahirajt është humbje e madhe për familjen por edhe për të gjithë shqiptarët.

Ndërsa pas homazheve në ceremonialin zyrtar, kryeminstri Berisha ka kryer dhe një vizitë pranë familjes së të ndjerit Tahiraj.

Ndërsa, kryesocialisti Edi Rama në një mesazh në rrjetin social Tëitter ka deklaruar se policia ndjehet e tradhtuar nga drejtimi i politizuar dhe se gjykata është kthyer në një farsë kriminelësh.

Në prononcimin e saj znj.Topali, ka thënë se kjo është një ditë e vështirë për familjarët, pasi kanë humbur babain e tyre të çmuar.


Lamtumira e fundit është dhënë për komisar Adem Tahiraj, ndër lot dhimbje dhe buqeta me lule nga familjarë, të afërm dhe kolegë e tij.
Adem Tahiraj do të prehet në parcelën e dëshmorëve të policisë së shtetit, dhe do të jetë pranë me ish kolegë të tij të rënë në detyrë.

Tahiraj u shpall dëshmor i atdheut pasi ai humbi jetën në detyrë pasditen e djeshme në Katund Sukth, gjatë një operacioni për ndalimin e personave me precedent penal.
Komisari 49 vjeçar i cili la pas 3 fëmijë dhe bashkëshorten e tij, u shpall dëshmor i atdheut pasi humbi jetën dje pasdite në një aksion për ndalimin e kriminelëve dhe për nder të tij u zhvillua një ceremoni shtetërore, me të shtëna armësh.

Pasi djalit 14 vjeçar të mbetur jetim të komisar Tahirajt, u dorëzua flamuri kombëtar i palosur, trupi i tij u preh në banesën e fundit me lamtumirën e dhënë nga drejtori i policisë së qarkut Durrës z.Aleks Hajdari.

(ar/Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Zyrtarizohet Po-ja e Izraelit për armëpushimin në Liban, e miraton kabineti i sigurisë: 60 ditë ndërprerje e luftës

Zyrtarizohet Po-ja e Izraelit për armëpushimin në Liban, e miraton kabineti i sigurisë: 60 ditë ndërprerje e luftës

26 Nëntor, 20:48