POP 5

Lajmet më të lexuara të 5 minutave të fundit

Kronikë

Vrasja e Luljeta Prezës në Durrës, lihen në burg dy autorët! Nëna e Aldo Ibrahimit: Nëse e ka kryer krimin të marrë dënimin që i takon

Gjykata e Durrësit ka lënë në burg dy autorët e dyshuar të vrasjes së Luljeta Prezës tek Ura e Dajlanit. Nga hetimet ka rezultuar se viktima dhe autorët kishin konsumuar lëndë narkotike dhe janë konfiktuar për 2 mijë lek. Seancën e ndoqi dhe nëna 22-vjecarit Aldo Brahimi, e cila tha se i biri duhet të dënohet nëse vërtetohet se ka kryer krimin. 

Aldo Brahimi dhe Ylli Grabovari do të qendrojnë në qeli deri në përfundimin e hetimeve për vrasjen e Luljeta Prezës, tek Ura e Dajlanit në Durrës. Pasi ka dëgjuar akuzat e prokurorisë dhe mbrojtjen e avokatit të caktuar kryesisht, gjyqtarja Entela Shedula ka vlerësuar të ligjshëm ndalimin dhe ka vendosur arrest me burg pa afat për autorët e dyshuar. Nëna e 22 vjecarit Aldo Brahimi nga Fieri tha se i biri ishte larguar nga shtëpia për të mbledhur hekura dhe nuk kishte dijeni për krimin.

"Unë kam ardhur për djalin. Nuk e di është apo nuk është e vërtetë. Të kalbet brenda nëse e ka bërë djali im. Merrej me shishe, mblidhte kanaçe, e di tërë Fieri që ai mblidhte shishe. Ne jetojmë në Grabianë. Më morën në shtëpi, këta të Durrësit brenda. Më thanë ku e ke djalin, vajti për pagurë u thash. Se gjithmonë mblidhte pagure dhe vinte në shtëpi", tha nëna e tij, Donika Hamzai.

Vajta te ura, u thash kërkoj djalin. E kërkova pas ngjarjes. Nuk ishte aty. Më thanë kujt porindër je, u thash i Aldos. E kërkoj i thash se po bën 1 muaj që ishte larguar nga shtëpia. Hera e dytë që largohej”, tha babai Sabri Hamzai.

Nga seanca me dyer të mbyllura mësohet se Aldo Brahimi nuk e ka pranuar krimin, ndërsa Ylli Grabovari u përpoq t’i linte autorësinë duke thënë se Luljetën e ka goditur me thikë Aldo ndërsa ai vetëm e kam mbuluar me çarcaf.

32-vjeçarja Lulejta Preza, pjestare e komunitetit rom u vra në orën 01:00 të datës 2 gusht poshtë Urës së Dajlanit ndërsa trupi i pajetë u gjet pas 10 orësh. Nga hetimet rezultoi se viktima, dy autoret dhe tre gra të tjera kanë qenë në shoqërinë e njëri-tjetrit, duke konsumuar lëndë narkotike dhe në konflikt e sipër e kanë goditur me thikë. Nga hetimet rezulton se dy autorët i kanë kërkuar Lulejtës një shumë prej 2000 lekësh për shpenzimet e përbashkëta që ajo nuk ka refuzuar ti paguaje, ndaj i kanë marrë jetën. Tek Ura e Dajlanit prej shumë kohësh qendronin anëtarë të komunitetit rom që lypnin e prostituonin, qe policia i largoi vetëm pas vrasjes tragjike të Luljetës.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Meta nga burgu: Arsimi pa fonde shtesë, papërgjegjshmëri

Meta nga burgu: Arsimi pa fonde shtesë, papërgjegjshmëri

26 Dhjetor, 20:07