POP 5

Lajmet më të lexuara të 5 minutave të fundit

Kronikë

Vrasja në Dhërmi, ndalohet shoferi i morgut, filmoi trupin e pajetë të recepsionistit të vrarë dhe ua dërgoi mediave

Grupi hetimor ka kontrolluar aparatin celular ku i janë gjetur pamjet filmike të trupit të Erald Nevruzit të cilat ua kishte dërguar burimeve mediatike me qëllim publikimin.

Vrasja në Dhërmi, ndalohet shoferi i morgut, filmoi trupin e pajetë të recepsionistit të vrarë dhe ua dërgoi mediave

Vendi ku u gjet trupi dhe viktima Erald Nevruzi

Vlore- Policia ndaloi shoferin e morgut që paraditen e djeshme transportoi trupin e pajetë të Erald Nevruzit i cili u gjet në zonën e Gjipesë pranë një guroreje. Ai u vra nga pronari brenda hotelit “Greccia” në Dhërmi, Gerald Shehu pak pas mesnatës së 5 qershorit duke u gdhirë 6 qershori 2024. 

Policia thotë se shoferi 62 vjeçar, kishte filmuar me aparat celular trupin e pajetë për t'ua dërguar burimeve mediatike me qëllim publikimin.

Bazuar në këtë informacion, shtetasit A. I., 62 vjeç, me detyrë shofer i ambulancës së morgut, i është bërë këqyrja e aparatit celular nga grupi hetimor, ku i janë gjetur pamjet filmike të trupit të Erald Nevruzit të cilat ua kishte dërguar burimeve mediatike me qëllim publikimin, informoi sot policia e Vlorës. 

Në vijim të veprimeve, u bë ndalimi i shtetasit A. I., 62 vjeç, me detyrë shofer i ambulancës së morgut Vlorë, për veprën penale “Zbulimi i akteve dhe të dhënave sekrete”. Videoja megjithëse ishte në duart e gazetarëve nuk u publikua prandaj Drejtoria Vendore e Policisë Vlorë i falënderon.

Vrasja

Pak pas mesnatës Gerald Shehu e qëlloi me dy plumba pistolete recepsionistin 31-vjecar, Eraldo Novruzi në shkallët e hotelit, tërhoqi trupin zvarrë deri në katin e nëndheshëm të hotelit.  Më pas ka detyruar dy punëtorët e hotelit, Daniel Qosja dhe David Larti ta ndihmojnë për ta zhveshur kufomën,  mbështjellë trupin e  viktimës me plastmas e çarçafë dhe transportuar në bagazhin e makinës. Autori ka djegur rrobat në furrën e picave dhe pasi e ka hedhur trupin në një rrëpirë në zonën e Gjipesë është kthyer në shtëpi. Ka marrë çantën dhe është larguar drejt Greqisë për në aeroportin e Korfuzit nga ku synonte të arratisej drejt Anglisë. Burime nga policia thanë se është dërguar dokumentacion dhe pritet ekstradimi në Shqipëri i Gerald Shehut.

Viktima dhe autori kishin njohje në Angli ku dyshohet se mund të jenë përfshirë në botën e krimit. 31- vjeçari Eraldo Nevruzi kishte një javë që kishte filluar punë në hotelin në fjalë.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Agjenti: 08/06/2024 11:46

    As te vdekurin se lene rehat mortjet.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako