Vrasja e të riut në Itali, vetëm për
një pije, në pranga dy vëllezërit

“Ndaj Emanuele nuk është ushtruar vetëm një herë dhunë, por disa herë dhe në kohë të ndyshme” është ky sqarimi që ka dhënë prokurori i Frosinone Giuseppe De falco  i cili sqaron se ngjarja e shënuar ishte e frikshme  sepse nga një situatë banale thjesht për një pije agravoi deri në vdekjen e një të riu të pafajshëm. Për më tepër ai konfirmon se grindja në diskotekë nuk ishte me një djalë shqiptar.

“Dy të arrestuarit shtetas italianë e që janë vëllezër janë të dyshuarit kryesor të agresionit” konfirmon prokurori.

Emanuele humbi jetën të shtunën pasi u godit me mjete të forta  në një diskotekë në Alatri. Por rrethanat e ngjarjes mbeteshin mister, dëshmitë po ashtu shumë kontradiktore.

Ngjarja tronditi publikun Italian ndërsa në fillim u shkrua se ishte një grup shqiptarësh që rrahën 20-vjeçarin por e vërteta rezultoi ndryshe.

Ditën e djeshme policia ndaloi 8 persona.

“Emanuele nuk e meritonte” shprehet mes lotësh tezja e të riut duke kërkuar që të vendoset drejtësia, përndryshe sipas saj do të jetë vetë familja ajo që do të ndalojë autorët.

20-vjeçari rrëfejnë miqtë u rrah nga 20 persona dhe vetëm një e mbrojti.

Ata po ashtu fajësojnë edhe sigurinë e diskotekës e cila nuk arriti të ndërhynte.

Grupi goditi me sende të forta Emanuelen i cili pësoi hemoragji në kokë por humbi jetën pas 36 orësh në spitalndërsa familja e tij vendosi të dhurojë organet e të riut.

Redaksia Online
e.m/Shqiptarja.com