POP 5

Lajmet më të lexuara të 5 minutave të fundit

Bota

Vrasja gazetarit saudit, presidenti Trump: Dua të dëgjoj regjistrimin audio gjatë vrasjes

Flet për herë të parë edhe presidenti amerikan Donald Trump për vrasjen e gazetarit saudit Jamal Khashoggi. Përballë gazetarëve në Shtëpinë e Bardhë presidenti u shpreh se ai donte të shikonte nëse ekziston një regjistrim audio momentit kur është vrarë gazetari.

Vrasja gazetarit saudit, presidenti Trump: Dua të dëgjoj regjistrimin audio gjatë vrasjes

Presidenti i SHBA-ve, Donald Trump

Presidenti Donald Trump është përfshirë personalisht në çështjen e vrasjes së gazetarit saudit, Jamal Khashoggi.

Përballë gazetarëve në Shtëpinë e Bardhë, presidenti Donald Trump u shpreh se ai donte të shikonte nëse ekziston një regjistrim audio momentit kur është vrarë gazetari.

Presidenti amerikan i hodhi poshtë zërat se po përpiqet të mbulojë sauditët duke u justifikuar se thjesht po kërkon të zbulojë çfarë ka ndodhur realisht me gazetarin. Nga ana e tyre, autoritetet e Arabisë Saudite mohojnë ta ketë vrarë reporterin kritik të regjimit.

"Washington Post” ndërkohë publikoi shkrimin e fundit të gazetarit të zhdukur, në të cilin, si për ironi, ai fokusohej tek rëndësia e një shtypi të lirë në Lindjen e Mesme.

Gazeta prestigjoze e kishte shtyrë vetë botimin e shkrimit me shpresën se 60-vjeçari do të rikthehej, por tani, thonë drejtues të saj, është e qartë se kjo gjë nuk ka për të ndodhur.

Artikulli është në thelb një shuplakë e fortë për situatën e medias në rajon. Bota arabe, thuhet aty, po përballet me versionin e saj të “Perdes së hekurt”, të vendosur jo vetëm nga aktorët e jashtëm, por edhe nga fuqitë e brendshme të etura për pushtet.

Arabia Saudite është një prej aleatëve më të ngushtë të Uashingtonit dhe zhdukja e Khashoggit e vendos administratën amerikane në një pozicion të delikat dhe të vështirë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça