Vrasja në argjendari
lirohet i dyshuari kryeso

Gjykata e Tiranës ka liruar për mungesë provash të dyshuarin kryesor për vrasjen e pronarit të argjendarisë në rrugën ‘Ferit Xhajko’ në kryeqytet me datë 21 tetor.

Pa shtyrjes së dytë të bërë nga gjykata në mënyrë që ti jepej kohë Prokurorisë dhe policisë për mbledhjen e provave të tjera për vërtetimin e autoresisë, trupi gjykues ka vendosur të lërë të lirë 27 vjeçarin Nexhat Mulaj.

Arrestimi i 27 vjecarit u bë pas një sërë hetimesh disa ditore, nga Strukturat e Hetimit të Krimeve të Rënda në Drejtorinë e Policisë së Qarkut Tiranë në bashkëpunim të ngushtë me Prokurorinë e Rrethit Gjyqësor Tiranë.

Mulajt iu sekuestruan 5 copë karta identieti në emër të tij, 4 prej tyre ishin lëshuar nga autoritet kosovare, ndërsa 1 kartë lëshuar nga autoritet shqiptare.

VRASJA
I maskuar dhe i armatosur grabitësi ka hyrë në ambientet e brendshme të argjendarisë dhe nën kërcënimin e armës i ka kërkuar Rapo Sinanajt, që t'i jepte sasinë e parave që ishin në arkë dhe bizhuteritë. Por 61 vjeçari, i cili ishte bashkëpronari i argjendarisë, së bashku me të bijën, ka refuzuar. Në këto momente grabitësi ka kapërcyer banakun dhe është konfrontuar me 61-vjeçarin. Gjatë konfliktit fizik mes tyre, Sinanaj ka arritur t'i heqë kapuçin grabitësit dhe ta shohë. Menjëherë grabitësi ka qëlluar 3 herë në drejtim të 61-vjeçarit duke i shkaktuar vdekjen. Plumbi vdekje prurës ka qenë ai i qëlluar në kokë.