POP 5

Lajmet më të lexuara të 5 minutave të fundit

Politikë

Vrasja në Durrës, PD: Qëndrim i
i papjekur, Tahiri të japë shpjegime

Partia Demokratike ka reaguar për vrasjen e Gazmit Markut nga forcat speciale 5 ditë më parë në Durrës. Duke e quajtur të papjekur qëndrimin e ministrit Tahiri mbi ngjarjen, PD ka kërkuar që “Qeveria të distancohet nga komentet e turpshme të ministrit mbi vrasjen”.
Plagosi policin në aksion, Gazmir Marku vritet nga forcat RENEA
Vrasja në Durrës, PD: Qëndrim i<br />i papjekur, Tahiri të japë shpjegime
TIRANE- Partia Demokratike ka reaguar për vrasjen e Gazmit Markut nga forcat speciale 5 ditë më parë në Durrës. Mbrëmjen e 28 dhjetorit, Marku plagosi me armë zjarri policin Agron Halilaj, gjatë një aksioni policie, pas tentativës për një grabitje që kishte ndodhur në lagjen 15 në Durrës.
 
Në një deklaratë për mediat, kordinatorja e PD për mediat, Silvi Bardhi tha se “Qeveria duhet të distancohet nga komentet e turpshme të ministrit Tahiri mbi vrasjen”, duke kërkuar ndërkaq reagimin e vetë ministrit të Brendshëm, si dhe të kryeministri Edi Rama, lidhur me këtë ngjarje.

“Është e pafalshme që Ministri i Brendshëm të predikojë vrasjen. Kjo nuk është sjellja e një ministri të një vendi që aspiron të integrohet në Bashkimin Europian.
 
Me qëndrimin e tij publik, Ministri Tahiri duket se ka ndërmend të instalojë në Shqipëri dënimin me vdekje, ta kthejë Shqipërinë mbrapa në kohën e praktikave të sigurimit të shtetit.
 
Sjellja e Ministrit të Brendshëm është shenjë e një sëmundje të rëndë, të delirit të madhështisë dhe kjo ndodh kur një riosh vishet me më shumë pushtet nga sa i mbajnë shpatullat.
 
Veprimtaria e policisë së shtetit është e bazuar rreptësishtë në ligj, dhe nuk është një lojë luftash, siç zhvillohet në mendjen e ministrit Tahiri.
 
Me qëndrimin e tij pas ngjarjes, Ministri i Brendshëm ka treguar se është një rrezik publik, dhe se nuk ka kthjelltësinë e pjekurinë e duhur për të mbajtur një detyrë kaq të rëndësishme”, tha Bardhi.

Kordinatorja e PD për mediat e ka quajtur "të papjekur" reagimin e ministrit Tahiri, duket i kërkuar atij të japë shpjegime për qëndrimin e tij.

"Prej 5 ditësh, asnjë reflektim nga ana e Ministrit të Brendshëm, i cili ka mbajtur publikisht qëndrimin më të papjekur në historinë e shtetit shqiptar.

Partia Demokratike i kërkon z.Tahiri të japë shpjegime e të distancohet menjëherë nga qëndrimi i tij mbi vrasjen e një qytetari nga policia, pasi sjellja e tij është një akt turpi për shtetin, për imazhin e vendit, dhe për vetë Policinë e Shtetit.

Është e pabesueshme që Ministri i Brendshëm të thotë bravo për një vrasje, ta konsiderojë policinë e shtetit si një organizatë që merr hak, dhe ta trajtojë ngjarjen si një çështje të brendshme, duke harruar ligjin dhe rregullat e shtetit", vijoi Silvi Bardhi.

Kordinatorja e PD për mediat ka kërkuar edhe reagimin e kryeministrit Rama, duke e quajtur komentin e ministri Tahiri një “dalldisje adoleshenteske”.
 
“Duke qenë se deklaratat e Ministrave, përpara se të bëhen publike, kalojnë nga aparati qëndror i Edi Ramës, për fat të keq, kjo histori delirimi me pushtetin përfshin dhe Kryeministrin e vendit.
 
Kjo e bën edhe më të rëndë situatën, dhe më të pashpresë zgjidhjen. Kur një ministër çmendet publikisht, nuk i kërkon dot as Kryeministrit që të marrë masa, pasi ai vetë ka dhënë liçencën për këtë dalldisje adoleshenteske. Prej 5 ditësh, asnjë reflektim, as nga Ministri dhe as nga Kryeministri. Partia Demokratike, edhe një herë kërkon reagim publik, shpjegim publik, dhe distancim publik të Kryeministrit dhe Ministrit të Brendshëm, nga ky qëndrim tërësisht jo-europian i z.Tahiri.
 
Vetëm një distancim i qartë publik, do të ishte një lehtësim për opinionin publik që është sot e kësaj dite i shqetësuar për komentet e qeverisë mbi vrasjen e një qytetari të dyshuar për vepra të rënda penale”, u shpreh Bardhi.
 
Ndërkaq, Bardhi tha se “Partia Demokratike mbështet aksionet e policisë edhe kur ato sjellin pasoja ekstreme, nëse kjo është një masë e nevojshme për sigurinë e vetë policisë dhe të qytetarëve”.

Redaksia Online
(e.s/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04